રાજસ્થાનમાં ભ્રષ્ટાચારથી બચવાનો નવીન કિસ્સો પ્રકાશમાં આવ્યો છે.રાજ્યના સિરોહીમાં લાંચ લીધેલી રકમ પકડાઈ જવાના ડરથી એક ઈન્સ્પેક્ટરે 20 લાખ રૂપિયાની નોટોને સ્વાહા કરી દીધી હતી.તેણે રાંધણગેસના ચૂલા પર એક પછી એક નોટોને અગ્નિમાં પધરાવી હતી.આ કાર્ય કરવામાં તેની પત્નીએ પણ સાથ આપ્યો હતો. ACB (એન્ટી-કરપ્શન બ્યૂરો)ની ટીમે દરોડો પાડ્યો હતો, જેથી તેને આ પગલું ભર્યું હતું. પ્રાથમિક અનુમાન લગાવાઈ રહ્યું છે કે તેણે આ બધા રૂપિયા લાંચ પેટે એકઠા કર્યા હતા અને પકડાઈ જવાના ડરથી તેણે તમામ પુરાવાઓ નષ્ટ કરવા માટે આ કૃત્ય આચર્યું હતું.
ACBની ટીમે બુધવારે સાંજે સિરોહીના ભંવરીમાં 1 લાખ રૂપિયાની લાંચ લેતા મહેસૂલ ઈન્સ્પેક્ટર (RI) પરબતસિંહને રંગેહાથ પકડ્યા હતા.પૂછપરછ દરમિયાન તેણે જણાવ્યું હતું કે તેણે આ લાંચ પિંડવારાના ઈન્સ્પેક્ટર કલ્પેશ જૈન માટે લીધી હતી.એન્ટી કરપ્શન બ્યુરોએ ભ્રષ્ટ ઈન્સ્પેક્ટરને ત્યાં દરોડા પાડતા,ભ્રષ્ટાચારીએ ઘર અંદરથી બંધ કરીને,લાંચના પૂરાવાઓ અને રોકડ રકમ સળગાવી નાખી હતી.એન્ટી કરપ્શન બ્યુરોને રાજસ્થાનના પાલી સ્થિત પિંડવાડાના મામલતદાર કલ્પેશ જૈન વિરુધ્ધ ભ્રષ્ટાચારની અનેક ફરીયાદ મળી હતી.આ ફરિયાદના અનુસંધાને,એન્ટી કરપ્શન બ્યુરોએ, પિંડવાડાના મામલતદાર કલ્પેશ જૈનના ઘરે દરોડા પાડ્યા હતા.
એન્ટી કરપ્શન બ્યુરોએ,સ્થાનિક પોલીસને સાથે રાખીને ભ્રષ્ટ ઈન્સ્પેક્ટરના ઘરે દરોડા પાડ્યા હતા.પરંતુ ભ્રષ્ટ ઈન્સ્પેક્ટરએ ઘરનો દરવાજો અંદરથી બંધ કરી દિધો હતો.અને પોલીસ તેમજ એન્ટી કરપ્શન બ્યુરોના અધિકારીઓને ઘરમાં પ્રવેશતા રોક્યા હતા.આ દરમિયાન ભ્રષ્ટ ઈન્સ્પેક્ટરએ પત્નિની સાથે મળીને,ઘરમાં રહેલા લાંચના લાખ્ખો રૂપિયાને સળગાવીને નાશ કર્યા હતા.
પિંડવાડાના ભ્રષ્ટ ઈન્સ્પેક્ટરએ અને તેની પત્નિએ,ગેસના સ્ટવ ઉપર રૂપિયા 500ની ચલણી નોટના બંડલો સળગાવી નાખ્યા હતા.એક પછી એક ચલણી નોટનું બંડલ ગેસના સ્ટવ ઉપર સળગાવ્યા હતા.જેમાં કુલ 10 લાખની રકમ સળગાવી હોવાનું સામે આવ્યુ છે.એન્ટી કરપ્શન બ્યુરોના અધિકારીઓ ભ્રષ્ટ મામલતદારના ઘરના દરવાજા તોડવાનો પ્રયાસ કર્યો હતો.એ સમયે મામલતદાર અને એક મહિલા ગેસના સ્ટવ ઉપર ચલણી નોટ બાળતા હોવાનું સ્પષ્ટ જણાય છે.
આખરે પોલીસે કટરની મદદથી ભ્રષ્ટ ઈન્સ્પેક્ટરએના ઘરનો દરવાજો તોડી નાખ્યો હતો અને એસીબીના અધિકારીઓ સાથે ઘરમાં પ્રવેશીને,સર્ચ કરી હતી.આ ઈન્સ્પેક્ટરના ઘરમાંથી,એસીબીના અધિકારીઓએ ભ્રષ્ટાચાર આચર્યા હોવાના દસ્તાવેજી પુરાવાઓ, સ્થિર અને અસ્થિર સંપતિના દસ્તાવેજો,બેંકના દસ્તાવેજ વગેરે મળી આવતા જપ્ત કર્યા છે.ઈન્સ્પેક્ટરએ સામે ભ્રષ્ટાચાર નિવારણની વિવિઘ કલમ હેઠળ ગુન્હા દાખલ કર્યા છે.તો પોલીસે સરકારી કામગીરીમાં દખલ કરવા અંગે ગુન્હો નોંધ્યો છે.
રેવન્યુ ઈન્સ્પેકટરને,એક લાખની લાંચ લેતા એન્ટી કરપ્શન બ્યુરોના અધિકારીઓ રંગે હાથે ઝડપ્યો હતો.જેની પુછપરછમાં ભ્રષ્ટાચારના તાર ત્યાં સુધી પહોચ્યા હતા.જેના આધારે એન્ટી કરપ્શન બ્યુરો અને પોલીસે સંયુક્ત રીતે ભ્રષ્ટ ઈન્સ્પેક્ટરને ત્યાં દરોડા પાડીને કરોડોની બેનંબરની મિલ્કત શોધી કાઢી હોવાનું સૂત્રો જણાવી રહ્યાં છે.
