નવી િદલ્હી : રાષ્ટ્રપતિ પદની ચૂંટણીને લઈને પશ્ચિમ બંગાળના મુખ્યમંત્રી મમતા બેનરજીએ મહત્વપૂર્ણ નિવેદન આપ્યું છે.મમતા બેનરજીએ કહ્યું કે ‘‘જો એનડીએ તરફથી પહેલાં દ્રોપદી મુર્મૂની ઉમેદવારી અંગ જાણ કરાઈ હોત તો અમે રાજી થયો હોત અને સર્વસંમતિથી તેમને ચૂંટી શક્યા હોત.આ સાથે મમતા બેનરજીએ દ્રોપદી મુર્મૂની જીત શક્યતા વધુ હોવાની બાબતનો સ્વીકાર કર્યો છે.ભાજપ એક આદિવાસી મહિલા કે લઘુમતી સમુદાયના કોઈ પણ વ્યક્તિને રાષ્ટ્રપતિના ઉમેદવાર બનાવવા ઈચ્છે છે તો પછી અમે વિચાર કર્યો હોત.
અમારા મનમાં આદીવાસી સમુદાય પ્રત્યે માને સન્માન છે અને દ્રોપદી મુર્મૂ એક મહિલા પણ છે.રાષ્ટ્રપતિ પદની ચૂંટણીના ઉમેદવાર માટે ભાજપે અમારા સૂઝાવ લીધા,પરંતુ નામ જણાવ્યું નહતું.’’આ સાથે એક સમયના ભાજપના સહયોગી અકાલી શિરોમણી દળે પણ રાષ્ટ્રપતિની ચૂંટણીમાં એનડીએના ઉમેદવાર દ્રોપદી મુર્મૂને ટેકો આપવાની જાહેરાત કરી છે.ભાજપ અને અકાલીદળ વચ્ચે કૃષિ કાયદાને લઈને સંબંધ વણસ્યા હતા.અહીંયા નોંધવું રહ્યું કે,તૃણમૂલ કોંગ્રેસમાંથી રાજીનામું આપનાર યશવંતસિંહાને વિપક્ષ તરફથી રાષ્ટ્રપતિ ચૂંટણી માટે સંયુક્ત ઉમેદવાર જાહેર કરવામાં આવ્યા છે.
