રિલાયન્સ ઈન્ડસ્ટ્રીઝે દેવાળું ફૂંકનાર કંપનીઓને ખરીદીને સસ્તામાં વેલ્યૂ ક્રિએટ કરવાનો જુગાડ કર્યો છે.રિલાયન્સ ઈન્ડસ્ટ્રીઝે હાલમાં જ સુમિત ઈન્ડસ્ટ્રીઝ નામની એક દેવાળુ ફૂંકનાર કંપની ખરીદવાની તૈયારીમાં લાગી છે.
બિઝનેસના વિસ્તાર માટે આક્રમક રણનીતિ પર કામ કરી રહેલી રિલાયન્સ ઈન્ડસ્ટ્રીઝે દેવાળું ફૂંકનાર કંપનીઓની ખરીદી કરીને સસ્તામાં વેલ્યૂ ક્રિએટ કરવાનો જુગાડ કર્યો છે.રિલાયન્સ ઈન્ડસ્ટ્રીઝે હાલમાં જ સુમિત ઈન્ડસ્ટ્રીઝ નામની એક દેવાળુ ફૂંકનાર કપડા બનાવતી કંપની ખરીદવાની તૈયારીમાં લાગી છે.આવકના હિસાહે દેશની સૌથી મોટી ખાનગી કંપની રિલાયન્સ ઈન્ડસ્ટ્રીઝ સાથે કોલકાતાની એમસીપીઆઈ અને અન્ય આઠ કંપનીઓ દેવાના ભાર તળે દબાયેલી ટેક્સટાઈલ મેન્યુફેક્ચરર્સ સુમિત ઈન્ડસ્ટ્રીઝને ખરીદવાની રેસમાં સામેલ થઈ છે.આ કંપનીઓ અધિકારીક રૂપથી સુમિત ઈન્ડસ્ટ્રીઝને ખરીદવા માટે જરૂરી પેપર જમા કરાવી ચૂકી છે.હવે તેના દસ્તાવેજોની ચકાસણી કરવામાં આવશે અને કંપનીની ફાઈનલ બોલીના દિવસે તેની બોલી પર વિચારણા કરવામાં આવશે.
સૂરતની યાર્ન અને પોલિસ્ટર બનાવતી સુમિત ઈન્ડસ્ટ્રીઝ પર બેન્ક ઓફ બરોડાની 667 કરોડ રૂપિયાની લોન બોલે છે.કંપની ગત વર્ષે ડિસેમ્બરમાં પોતાના લોન રિસ્ટ્રક્ચરિંગ પ્રોગ્રામમાં વિફળ રહેવા પર બેન્કરપ્સી કોર્ટમાં ગઈ હતી.રસપ્રદ બાબત એ છે કે, મુકેશ અંબાણીની રિલાયન્સ ઈન્ડસ્ટ્રીઝે આ અગાઉ પહેલા બે બેન્કરપ્ટ કંપનીઓને દેવાળિયાપન કોર્ટમાં ખરીદી હતી.તેમાં આલોક ઈન્ડસ્ટ્રીઝ અને સિંટેક્સ જેવી કંપનીઓ સામેલ છે.આ બન્ને ગ્લોબલ બ્રાન્ડને ફૈબ્રિકની સપ્લાય કરે છે.ગ્લોબલ બ્રાન્ડમાં હ્યુગો બોસ,અરમાની,બરબરી અને ડીઝલ જેવી કંપનીઓ સામેલ છે.
સુમિત ઈન્ડસ્ટ્રીઝની સારી પ્રોડક્શન કેપેસિટી રિલાયન્સ માટે એક આકર્ષક તક છે.રિલાયન્સ ઈન્ડસ્ટ્રીઝને એવું લાગે છે કે, તેના કપડા સંબંધી જરુરિયાતો સુમિત ઈન્ડસ્ટ્રીઝને ખરીદવાથી પૂરી થઈ શકે છે.આ મામલા સાથે સંકળાયલી એક વ્યક્તિએ કહ્યું હતું કે, છેલ્લા વર્ષોમાં સુમિત ઈન્ડસ્ટ્રીઝ બિઝનેસમાં સમસ્યાઓનો સામનો કરી રહી હતી અને તે પોતાના લોનનું રિસ્ટ્રક્ચરિંગ કરવા માંગતી હતી.બેન્કોએ જો કે, કંપનીના રિઝોલ્યૂશન પ્લાન પર સહમતિ જતાવી નથી,એટલા માટે સુમિત ઈન્ડસ્ટ્રીઝને બેન્કરપ્સી કોર્ટમાં જવું પડ્યું હતું.હવે રિલાયન્સ ઈન્ડસ્ટ્રીઝ દ્વારા સુમિત ઈન્ડસ્ટ્રીઝનું અધિગ્રહણમાં રસ દાખવવાને કારણે બેન્કોને પોતાનું ઋણ પરત મળવાની આશા જાગી છે.
ડિસેમ્બર 2022 ત્રિમાસિક ગાળામાં સુમિત ઈન્ડસ્ટ્રીઝે ₹25 કરોડનું નુકસાન નોંધાવ્યું હતું.ત્યારબાદ તેની રેવન્યૂમાં વૃદ્ધિ થવા બાદ પણ ખર્ચ વધી જવાને કારણે નુકસાન થયું હતું.
