– સાયબર ક્રાઈમ વિશે લોકોને જાગૃત કરવા પોતાના લગ્નની કંકોત્રીને માધ્યમ બનાવ્યું
– 27 પેજની કંકોત્રીમાં સાયબર ક્રાઇમના અનેક સૂત્રો અને માહિતી અપાઈ
રાજ્યમાં છેલ્લા કેટલાક સમયથી ક્રાઇમ દિવસેને દિવસે વધી રહ્યાં છે.લોકોમાં જાણે પોલીસનો ડર રહ્યો જ ના હોય તેમ ચોરી અને હત્યાઓને અંજામ આપતા જોવા મળે છે.જેમાં ધણા સમયથી ચોરોએ હવે ઓનલાઈન ફ્રોડ કરવાનો નવો કિમિયો વિક્સાવ્યો છે.જ્યાં સાયબર ક્રાઇમનો માસુમ લોકો ભોગ બની રહ્યાં છે.ત્યારે આવા પ્રકારના થતાં ક્રાઇમોને અટકાવવા પોલીસે ઘણા અભિયાન અને સેમિનાર યોજીને લોકોને જાગૃત કરવાના પ્રયાસો હાથ ધર્યા છે.જો કે,આ અભિયાનને વધુ આગળ ધપાવવા અમરેલીના સાયબર ક્રાઇમ પોલીસ સ્ટેશનમાં ફરજ બજાવતા પોલીસકર્મીએ એક અનોખી પહેલ શરૂ કરી છે.જ્યાં સાયબર ક્રાઈમ વિશે લોકોને જાગૃત કરવા પોતાના લગ્નની કંકોત્રીને માધ્યમ બનાવ્યું છે.
અમરેલી જિલ્લામાં સાયબર ક્રાઇમ પોલીસ સ્ટેશનમાં ફરજ બજાવતા નયન સાવલીયા અને તેમની પત્ની દ્વારા વધતા જતા ક્રાઈમને અટકાવવા અનોખી પહેલ કરવામાં આવી છે.નયન સાવલિયા સાયબર ક્રાઇમમાં પોલીસ કર્મચારી તરીકે ફરજ બજાવી રહ્યા છે.જ્યારે તેમની સાથે અમરેલી હેડક્વાર્ટરમાં તેમના પત્ની ધારા પણ પોલીસ કર્મચારી છે.જેમણે લોકોમાં સાયબર ક્રાઇમને ઘટાડવા અનોખી પહેલની શરૂઆત કરી છે.નયન સાવલિયા વર્ષ 2019થી ગુજરાત પોલીસમાં અમરેલી જિલ્લામાં જોડાયા બાદ વર્ષ 2021થી સાયબર ક્રાઇમ અમરેલી પોલીસ સ્ટેશનમાં ફરજ બજાવે છે.જેના કારણે નાગરિકોને સાયબર ક્રાઇમના ભોગ બનતા તેમણે અનેક વાર જોયા છે.
મહત્વનું છે કે, આવનારી 7 ફેબ્રુઆરીએ આ બંન્ને અધિકારી લગ્નના બંધનમાં બંધાશે. લોકોમાં સાયબર ક્રાઇમ વિશે જાગૃતતા આવે અને તેનાથી લોકો બચી શકે તે માટે તેઓ ઘણા વિચાર કરી રહ્યાં હતા.ત્યાં અચાનક તેમને તેમના લગ્ન કંકોત્રી દ્વારા લોકોને જાગૃત કરવાનો વિચાર આવ્યો અને તેમણે ડિજિટલ કંકોત્રીની મદદથી આ વિચારને અમલમાં મુક્યો.તેમના દ્વારા કંકોત્રી સાથે સાયબર ક્રાઇમના અનેક સૂત્રો અને માહિતીઓ જોડી લોકો સુધી સંદેશો પહોંચે તે માટેની એક પહેલ કરી છે.જેને ધ્યાને રાખી તેમના દ્વારા 27 પેજની કંકોત્રી છપાવવામાં આવી છે.જેમાં લોકો તેમના લગ્નની કંકોત્રી વાચે અને સાયબર ક્રાઇમના ભોગ બનતા બચે તેવા ઉદ્દેશ્યથી એક અનોખી પહેલ કરવામાં આવી છે.
આ કંકોત્રીમાં આ ક્રાઇમથી નાગરિકો કઈ રીતે બચી શકે તે માટે પણ અલગથી માહિતી આપવામાં આવી છે.જોડે ચાઈલ્ડ પોર્નોગ્રાફિ,સોશિયલ મીડિયા સિક્યોરિટી,મોબાઈલ સિક્યોરિટી વીશે પણ માહિતી આપવામાં આવી હતી.આ તમામ પ્રકારના ગુનાથી બચવા માટે સાવચેતી રાખવા અને સાયબર ક્રાઇમ હેલ્પલાઈન નંબર 1930નો પણ સંપર્ક કરી શકે ત્યાં સુધીની બધી જ જાણકારી આ કંકોત્રીમાં આપવામાં આવી છે.ત્યારબાદ સરકારની સાયબર વોલ્નટિયર યોજનામાં સહકાર આપી.
કંકોત્રીમાં વધતાં સાયબર ક્રાઇમને અટકાવવામાં મદદરૂપ થઈ શકે તેવા સાયબર વોલન્ટિયરને ગુજરાત સાયબર ક્રાઇમ સેલ આવકારે છે.તે સુચન કરતો પત્ર પણ મુક્યો છે.જે બાદ તેમણે સાયબર ક્રાઇમ મોડસ ઓપરેન્ડી વિશે જણાવ્યું છે.જેમાં SEXTORTION (ન્યુડ વીડિયો કોલિંગ ફ્રોડ),INSTANT LOAN APP FRAUD, PISHING LINK (બનાવટી લિન્ક), VISHING CALLS (ફેક કોલ), ઓનલાઈન સેલિંગ પ્લેટફોર્મ ફ્રોડ,સ્ક્રિન શેરિંગ એપ કે રિમોટ એક્સેસ એપ ફ્રોડ,કસ્ટમર કેર ફ્રોડ,OLX ફ્રોડ અને આ દરેક ફ્રોડથી બચવા માટે શું સાવચેતી રાખવી તેના માટે સૂચનો આપ્યા છે.
Social Share
