અમદાવાદ : કોરોનાકાળમાં આરબીઆઈએ લોનધારકોને હપ્તા ચૂકવવામાંથી રાહત આપવા માટે લોન મોરેટોરિયમનો વિકલ્પ આપ્યો હતો. સરકારે શરૂઆતમાં ત્રણ માસ માટે અને બાદમાં ફરી ત્રણ માસ એટલેકે છ માસ માટે આ લોન મોરેટોરિયમનો વિકલ્પ લોનધારકો આપ્યો હતો.
એક આંકડા અનુસાર દેશની પાંચ મોટી સરકારી બેંકોમાંથી લોનધારકોએ અંદાજે 7.9 લાખ કરોડની લોન પર આ વિકલ્પ સ્વીકાર્યો છે. જોકે આ રકમમાં કોરોના વયારસ અગાઉની સ્ટ્રેસ્ડ લોનનો પણ સમાવેશ થઈ ગયો છે. અગાઉથી જ તાણમાં ચાલી રહેલ કંપનીઓએ લીધેલ લોન પર પણ લોનધારકોએ આ મોરેટોરિયમનો વિકલ્પ પસંદ કર્યો છે.
સ્ટેટ બેંક ઓફ ઈન્ડિયા, બેંક ઓફ બરોડા, પંજાબ નેશનલ બેંક, બેંક ઓફ ઈન્ડિયા અને કેનેરા બેંક, આ પાંચ બેંકોની કુલ થાપણના અંદાજે 20% રકમ જેટલી એટલેકે 7.9 લાખ કરોડ લોન મોરિટોરિયમ હેઠળ આવી છે.
આ લોનના હપ્તામાંથી સૌથી વધુ આંકડો દેશની સૌથી મોટી બેંક SBIનો જ છે. SBIના લોનધારકોએ 5.63 લાખ કરોડની લોન મોડેથી ચૂકવવાનો વિકલ્પ પંસદ કર્યો છે.,જ્યારે બાકીના ચાર ટોચના પીએસયુ બેંકોએ માત્ર દબાણ હેઠળની લોનને વધુ સમય આપ્યો છે.
જોકે દરેક બેંકે પોતપોતાની રીતે આ બાકી લોનની ગણતરી કરી છે. બેંકો પાસે કોઇ સ્ટાન્ડર્ડ મેથડ નહોતી,ના તો આરબીઆઈએ કોઇ ચોક્કસ માપદંડ આપ્યો નથી તેથી ભવિષ્યમાં આ આંકડો નોંધપાત્ર વધી શકે છે તેમ બેંકિંગ એક્સપર્ટસ માની રહ્યાં છે.
અગાઉના આંકડા :
SBIના રજનીશ કુમારે એક નિવેદનમાં કહ્યું હતુ કે 94 લાખ ટર્મ લોનધારકોમાંથી 9 લાખ લોન ધારકોએ એક પણ હપ્તો નથી ચૂકવ્યો, 7 લાખ લોનધારકોએ એક હપ્તો નથી ચૂકવ્યો અને બાકીના બધાએ બે હપ્તા કે તેથી વધુ નથી ચૂકવ્યા.
એપ્રિલ અંત સુધી ICICI બેંકના 30% ગ્રાહકોએ લોન મોરિટોરિયમનો ફાયદો ઉઠાવ્યો છે
એક્સિસ બેંકના 25થી 28% લોનધારકોએ 25મી એપ્રિલ સુધી લોન મોરિટોરિયમનો વિકલ્પ પસંદ કર્યો
