વડોદરા ; ગુજરાત વિધાનસભા ચૂંટણીનું બીજા તબક્કાનું મતદાન 8 વાગ્યે શરૂ થયું છે. 11 વાગ્યા સુધીમાં રાજ્યમાં 19.17 ટકા મતદાન થયું છે.બીજા તબક્કામાં 833 ઉમેદવારો મેદાનમાં છે અને આ ઉમેદવારોનું ભાવિ નક્કી કરવા માટે 2.51 કરોડથી વધુ મતદાતાઓ મતદાન કરશે.ત્યારે વડોદરા શહેરના ટ્રાન્સજેન્ડર્સે પણ વોટિંગ કરીને લોકશાહીને મજબૂત કરવાના મહાયજ્ઞમાં પોતાનું યોગદાન આપ્યું છે.
શહેરના બરાનપૂરા અખાડાના અંજુ માસીબાની આગેવાની હેઠળ આ સમાજના 200 ઉપરાંત મતદારોએ આજે મતદાન કરી લોકશાહીના આ પર્વને દીપાવ્યું હતું.અંજુ માસીબાએ શહેર જિલ્લાના મતદારોને હકથી અને વટથી મતદાન કરવાનું જણાવી ખાસ ગૃહિણીઓને બધા કામ પડતા મૂકી મતદાન કરવા અનુરોધ કર્યો છે.
