વાપી નગરપાલિકા પ્રમુખે લોકોને સંયમ જાળવવા અને સાવચેત રહેવા અપીલ કરી

વલસાડ, 21 મે : વાપીમાં ચાર દિવસમાં 8 કેસ નોંધાતા વાપી નગરપાલિકાના પ્રમુખ વિઠ્ઠલભાઈ પટેલે લોકોને સોશિયલ મીડિયાના માધ્યમથી સંયમ રાખવા,વેપારીઓને વેપારધંધા સ્વયંભૂં બંધ રાખવા અપીલ કરી છે.વાપી શહેરના ગોદાલનગર,ચલા વિસ્તારમાં અને બલિઠા ગામ સહિતના વિસ્તારમાં કોરોના પોઝિટિવ કેસ નોંધાતા વાપી નગરપાલિકાના પ્રમુખ વિઠ્ઠલભાઈ પટેલે લોકોને અપીલ કરતો વીડિયો શેર કર્યો છે.વિઠ્ઠલભાઈ એ અપીલ કરી છે કે, લોકો કોરોના મહામારી સામે સાવચેત રહે,સલામત રહે સોશિયલ ડિસ્ટન્સનું પાલન કરે, માસ્ક પહેરે,અને આગામી ચાર દિવસ સુધી ઘરમાં જ રહે. લોકડાઉન 4 માં વેપારીઓને વેપાર ધંધાના સ્થળો ખોલવા પર રાહત આપી છે.ત્યારે આ કપરા સમયે વેપારીઓ સ્વયંભૂ પોતાના વેપાર ધંધા બંધ રાખે તેવી અપીલ કરી હતી.એ સાથે જ લોકોને અપીલ કરી હતી કે,વાપીને ગ્રીનમાંથી ઓરેન્જ, રેડ ઝોન કે હોટસ્પોટ ઝોન સુધી પહોંચતા અટકાવવું ખૂબ જ જરૂરી છે અને એ માટે લોકો ઘરમાં જ રહે.જો એવું નહિ કરીએ તો,વાપીમાં કોરોનાના કેસ વધશે અને તે બાદ તેને નિયંત્રણ કરવા માટે આપણા હાથમાં કશું જ નહીં રહે.