કડોદરા : સુરત જિલ્લાના કડોદરા જી.આઈ.ડી.સી પોલીસ સ્ટેશન વિસ્તારના વિદેશી દારૂના ગુનામાં તેમજ સુરત શહેરના પૂણા પોલીસ સ્ટેશનના મારામારીના ગુનામાં વોંટેડ આરોપીને એસ.ઓ.જી પોલીસની ટીમે બાતમીના આધારે તાતીથૈયા બસસ્ટેન્ડ નજીકથી ઝડપી પાડ્યો હતો.પકડાયેલ આરોપી ગુનાહિત ઇતિહાસ ધરાવે છે.
આ અંગે મળતી માહિતી અનુસાર સુરત જિલ્લા એસઓજી પોલીસની ટીમ કડોદરા વિસ્તારમાં પેટ્રોલીંગમાં હતી તે દરમ્યાન તેઓને બાતમી મળી હતી કે કડોદરા જી.આઈ.ડી.સી પોલીસ સ્ટેશન વિસ્તારના વિદેશી દારૂના તેમજ સુરત શહેરના પૂણા પોલીસ સ્ટેશન વિસ્તારના મારામારીના ગુનામાં વોંટેડ આરોપી સૌરભ દિનેશચંદ્ર તિવારી (રહે, હલધરુગામ, સાલાસર એપાર્ટમેંટ, મૂળ રહે, યુ.પી) નો તાતીથૈયા બસસ્ટેન્ડ નજીક ઊભો છે.જે હકીકતના આધારે એસઓજી પોલીસને ટીમે સ્થળ ઉપર પહોંચી સૌરભને દબોચી લીધો હતો અને તેણે ગુનાની કબૂલાત કરતાં તેનો કબ્જો કડોદરા પોલીસને સોંપવાની તજવીજ હાથ ધરી છે.પકડાયેલ સૌરભ તિવારી ગુનાહિત ઇતિહાસ ધરાવતો હોય અને તે સુરત શહેરના ગોડાદરા પોલીસ સ્ટેશનના મારામારીના ગુનામાં જામીન ઉપર છૂટ્યો હતો.
