દિલ્હી : કોરોનાના નવા વેરિયન્ટે બે અઠવાડિયા પહેલાં દક્ષિણ આફ્રિકામાં દેખા દીધી હતી.અહીં ઓમિક્રોનનો પહેલો કેસ સામે આવ્યો હતો.તે બાદ હવે નવું વેરિયન્ટ ઓમિક્રોન ખૂબ જ ઝડપથી વિશ્વભરમાં પ્રસરી રહ્યું છે.હવે તે વિશ્વના 27 દેશોમાં પહોંચી ગયું છે.બ્લૂમબર્ગના રિપોર્ટ અનુસાર, આ વેરિઅન્ટ અમેરિકાથી દક્ષિણ કોરિયા સુધી પહોંચી ગયું છે.
આ અત્યંત ચેપી વેરિયન્ટ પ્રવાસીઓ દ્વારા આ દેશોમાં પહોંચ્યું છે.દક્ષિણ આફ્રિકાથી અમેરિકા પરત ફરેલી વ્યક્તિ આ પ્રકારથી સંક્રમિત જોવા મળી છે.અમેરિકાનો આ પહેલો કેસ છે.ઈઝરાયેલમાં પણ ઓમિક્રોનના પ્રથમ કેસની પુષ્ટિ થઈ છે.ચેપગ્રસ્ત વ્યક્તિ માલાવી રોડથી બસમાં બેસીને તેલ અવીવ પહોંચ્યો હતો.ઈટાલીમાં પણ પ્રથમ કેસની પુષ્ટિ થઈ છે.
દક્ષિણ આફ્રિકામાં નવા 1100 કેસમાંથી 90 ટકા ઓમિક્રોન વેરિયન્ટના દર્દીઓ છે,ત્યાં 8561 કેસ નોંધાયા છે.ઉપરાંત બોત્સ્વાનામાં 19, નેધરલેન્ડ,પોર્ટુગલ અને ફ્રાન્સમાં 13-13, ઓસ્ટ્રેલિયામાં છ,યુકે અને કેનેડામાં પાંચ-પાંચ,હોંગકોંગમાં ચાર, સ્વિટ્ઝર્લેન્ડમાં ત્રણ જર્મની,નોર્વે, બ્રાઝિલ અને ડેનમાર્કમાં બે-બે ઓમિક્રોન વેરિયન્ટના કેસો મળી આવ્યા છે.આ દેશો સિવાય બેલ્જિયમ,ચેક રિપબ્લિક,ઓસ્ટ્રિયા,સ્પેન,સ્વીડન,જાપાન,સાઉદી અરેબિયા અને યુએઈમાં ઓમિક્રોનનો એક-એક કેસ નોંધાયો છે.
ઉલ્લેખનીય છે કે, ભારત સરકારે 15 ડિસેમ્બરથી આંતરરાષ્ટ્રીય ફ્લાઇટ્સ શરૂ કરવાનો નિર્ણય મોકૂફ રાખ્યો છે.નવા કોવિડ વેરિયન્ટ ઓમિક્રોનની ચિંતાને લીધે કેન્દ્રને આ પગલું ભરવાની ફરજ પડી છે.તાજેતરમાં જ સરકાર દ્વારા 15 ડિસેમ્બરથી આંતરરાષ્ટ્રીય ફ્લાઇટ્સ શરૂ કરવાનો નિર્ણય જાહેર કરાયો હતો.ઉડ્ડયન ક્ષેત્રના નિયમનકર્તા ડીજીસીએના જણાવ્યા અનુસાર કોમર્શિયલ ઇન્ટરનેશનલ પેસેન્જર સેવા શરૂ કરવાની નવી તારીખ આગામી સમયમાં જાહેર કરવામાં આવશે.
