બારડોલી : સુરત વિભાગની ઓપરેશન ગૃપની ટીમે બારડોલી નજીકથી વિદેશી દારૂ ભરેલો ટેમ્પો સાથે બેની ધરપકડ કરી હતી.શાકભાજીની આડમાં વિદેશી દારૂનો જથ્થો બારડોલી ખાતે લવાય રહ્યો હતી પરંતુ તે પહેલા પોલીસે ટેમ્પો ઝપડી પાડી કુલ 53 હજાર 670 રૂપિયાનો દારૂ કબ્જે કર્યો હતો.
આ અંગે મળતી માહિતી અનુસાર સુરત વિભાગની ઓપરેશન ગૃપની ટીમ બારડોલી પોલીસ સ્ટેશન વિસ્તારમાં પેટ્રોલીંગમાં હતી તે સમયે ખાનગીરાહે બાતમી મળી હતી કે એક આઇસર ટેમ્પો શાકભાજીની આડમાં વિદેશી દારૂ ભરી સોનગઢ થી બારડોલી તરફ આવી રહ્યો છે.જે બાતમીના આધારે પોલીસે ઇસરોલી ગામની સીમમાં કસ્તુરી હોટલ પાસે વોચ ગોઠવી હતી.જે દરમ્યાન સોનગઢ તરફથી આવી રહેલા ટેમ્પોને રોકી તપાસ કરતાં ટેમ્પોમાં શાકભાજી અને તેની નીચે કેરેટ અને પુઠાના બોક્સમાં વિદેશી દારૂનો જથ્થો ભરેલો હતો. પોલીસે ટેમ્પોમાંથી 168 બોટલ કિમત રૂ. 53 હજાર 670, આઈશર ટેમ્પો કિંમત રૂ.
2 લાખ, મોબાઇલ ફોન કિમત રૂ 10 હજાર, રોકડા રૂ. 3 હજાર 570 તથા શાકભાજી કિમત રૂ. 10 હજાર મળી કુલ 2 લાખ 77 હજાર 330નો મુદ્દામાલ કબ્જે લઈ ચાલક નિશાર ઈમામૂદ્દીન સૈયદ (રહે તલાવડી, બારડોલી) અને ક્લીનર મહતાબ હજરતજહુર રાયન (રહે આશિયાના નગર, બારડોલી)ની ધરપકડ કરી હતી. જ્યારે દારૂ મંગાવનાર બારડોલીના સદામ મુસ્તાક અને ભરી આપનાર બંટી નામના શખ્સને વોન્ટેડ જાહેર કર્યો હતો.
