શાળાઓમાં ક્વોરન્ટાઇન રૂમ ઉપલબ્ધ હોવા જોઈએ: દિલ્હીમાં શાળાઓ માટે નવી માર્ગદર્શિકા જાહેર

દિલ્હી : દિલ્હીની શાળાઓમાં કોરોના સંક્રમણના કેસ સતત વધી રહ્યા છે.દિલ્હી સરકારે રાજધાની દિલ્હીની શાળાઓમાં કોવિડ -19ના ફેલાવાને રોકવા માટે એક મોટું પગલું ભર્યું છે.કેજરીવાલ સરકારે SOP જારી કરી છે અને તેના હેઠળ શાળાઓ ચલાવવામાં આવશે.SOP મુજબ, તમામ શાળાઓમાં ક્વોરન્ટાઇન રૂમ ઉપલબ્ધ હોવા જોઈએ.આ સાથે જ શિક્ષકો દરરોજ વિદ્યાર્થીઓ અને તેમના પરિવારના સભ્યોમાં કોવિડ સંબંધિત લક્ષણો વિશે પૂછશે.જો કોરોના સંબંધિત કોઈ કેસ મળી આવશે, તો તેને રોકવા માટે આગળનાં પગલાં લેવામાં આવશે.અગાઉ દિલ્હી ડિઝાસ્ટર મેનેજમેન્ટ ઓથોરિટીની બેઠકમાં નિર્ણય લેવામાં આવ્યો હતો કે હવે દિલ્હીમાં કોરોનાને કારણે શાળાઓ બંધ કરવામાં આવશે નહીં, પરંતુ નવી સ્ટાન્ડર્ડ ઓપરેટિંગ પ્રક્રિયા તૈયાર કરવામાં આવશે.આ SOPના આધારે શાળાઓમાં કોરોના સામે લડવાની તૈયારીઓ કરવામાં આવશે.આ અંતર્ગત દિલ્હી સરકારે આજે સાત મુદ્દાની SOP જારી કરી છે.તાજેતરમાં દિલ્હી એનસીઆરની શાળાઓમાં ઘણા બાળકોમાં કોરોના સંક્રમણના લક્ષણો જોવા મળ્યા હતા.શાળાઓમાં વિદ્યાર્થીઓ કોરોના પોઝિટિવ મળ્યા બાદ ફરી ચિંતાઓ વધવા લાગી છે.થોડા દિવસોમાં દિલ્હીની સાથે નોઈડા, ગાઝિયાબાદમાં પણ કોરોના ઝડપથી ફેલાઈ રહ્યો છે.