શાહિનબાગ પ્રદર્શન : સતત ચોથા દિવસે સમાધાન કમિટી નિષ્ફળ

ન્યુ દિલ્હી,તા.૨૨
શાહીન બાગનાં પ્રદર્શનકારીઓ સાથે સુપ્રીમ કૉર્ટની વાર્તાકાર સાધના રામચંદ્રને આજે ચોથા દિવસે પણ વાતચીત કરી, પરંતુ આ વાર્તાનું કોઈ પરિણામ નીકળ્યું નહીં. નાગરિકતા સંશોધન કાયદા અને રાષ્ટ્રિય નાગરિક રજિસ્ટરની વિરુદ્ધ દિલ્હીનાં શાહીન બાગમાં પ્રદર્શન કરનારાઓ સાથે રસ્તો ખોલાવવાનાં મુદ્દા પર વાર્તાકાર સાધના રામચંદ્રને શનિવારનાં વાતચીત કરી. પ્રદર્શનકારીઓએ વાર્તાકાર સામે અનેક વાતો રાખી છે.
આ પહેલા ત્રણ પ્રવાસની વાર્તામાં પણ કોઈ પરિણામ નીકળીને સામે આવ્યું નથી. ત્રણ દિવસની વાતચીતમાં કોઈ પરિણામ ના નીકળ્યા બાદ ચોથા દિવસે એટલે કે આજે વાર્તાકાર સાધના રામચંદ્રન શાહીન બાગમાં પહોંચી અને પ્રદર્શનકારી મહિલાઓ સાથે વાતચીત કરી. સાધના રામચંદ્રને પ્રદર્શનકારીઓને કહ્યું કે, કાલે શુક્રવારનાં અમે રસ્તા વિશે વાત કરી હતી. કાલે અમે આધી રોડની વાત કરી, તમે સુરક્ષાની વાત કરી. મે એ ના કહ્યું કે શાહીન બાગથી જતા રહો. તો પ્રદર્શનકારીઓએ કહ્યું કે, “જો અમને લેખિતમાં સુરક્ષાનું આશ્વાસન ના મળ્યું તો વાત ખત્મ.
આના પર રામચંદ્રને કહ્યું કે, “શું આનાથી આપણે ખુશ થઇશું? શાહીન બાગમાં એક સુંદર જગ્યા શોધો, એક સુંદર બગીચો બને અને ત્યાં પ્રોટેસ્ટ થાય. શું તમને આ આઇડિયા પસંદ છે? આના પર તમામ મહિલાઓએ સ્પષ્ટ ના કહી દીધી.” શાહીન બાગમાં પ્રદર્શનકારીઓ સાથે વાતચીત કરતા સાધના રામચંદ્રને કહ્યું કે, તેમણે ક્યારેય પ્રોટેસ્ટ કરનારાઓને ક્યારેય પાર્ક જવા માટે નથી કહ્યું. તેમણે કહ્યું કે, વહેમ તોડે છે. વાતચીત દરમિયાન પ્રદર્શનકારી મહિલાઓએ વાર્તાકાર રામચંદ્રનની સામે કેટલીક માંગો રાખી.
પ્રદર્શનકારીઓની માંગ હતી કે, સુપ્રીમ કોર્ટ સુરક્ષા પર એક આદેશ જાહેર કરે. પ્રદર્શનકારી એ પણ ઇચ્છે છે કે શાહીન બાગ અને જામિયાનાં લોકોની વિરુદ્ધનાં કેસ પાછા લેવામાં આવે. શાહીન બાગમાં એક દાદીએ કહ્યું કે, જ્યારે સીએએ પરત લેશો તો રોડ ખાલી થશે, નહી તો નહી થાય. એક બીજી મહિલાએ કહ્યું કે, જો અડધો રસ્તો ખુલે છે તો સુરક્ષા અલુમિનિયમ શીટ જોઇએ. તેમનુ કહેવું હતુ કે પ્રદર્શનકારીઓની સુરક્ષાની પોલીસ નહીં, પરંતુ સુપ્રીમ કૉર્ટ જવાબદારી લે.