શ્રદ્ધા કપૂર-ટાઇગર શ્રોફ ફરી એકવાર સાથે નજરે પડશે

મુંબઇ,તા.૨૩
શ્રદ્ધા કપૂર અને ટાઇગર શ્રોફ ફરી રૂપેરી પડદે સાથે દેખાવાના છે. સાજિદ નડિયાદવાળાની પ્રોડકશન હેઠળ બનનારી ફિલ્મ એકશનપેક્ડ ફિલ્મ હશે. બાગીની ત્રીજી સીરિઝમાં ટાઇગર પોતાના ભાઇને અપહરણકર્તાઓ પાસેથી છોડાવના તમામ પ્રયાસ કરતો દર્શાવવામાં આવશે.આ ફિલ્મમાં શ્રદ્ધા એર હોસ્ટેસનું પાત્ર ભજવી રહી છે. શ્રદ્ધાને ટાઇગર સાથે કામ કરવાની ફાવટ છે.
તેણે ટાઇગર સાથે કોમેડી ફિલ્મમાં કામ કરવાની ઇચ્છા દર્શાવી હતી. તેણે ટાઇગર માટે કહ્યુ હતુ કે તે એક ઉત્તમ અભિનેતા છે. તેમજ તેનામાં સેન્સ હ્યુમર ઘણી છે. તે એક દિવસ ચોક્કસ કોમેડી ફિલ્મમાં કામ કરશે અને ત્યારે મને તેની સાથે ફરી જોડી જમાવવાની ઇચ્છા છે. એકશન દ્રશ્યોની સાથે સાથે તે કોમેડી દ્વારા પણ દર્શકોનું મનોરંજન કરવાની ક્ષમતા ધરાવે છે.
શ્રદ્ધા કપૂરને પિતા શક્તિ કપૂર સાથે સારો લગાવ છે. શ્રદ્ધાએ હાલ પિતા શક્તિ કપૂરને એક પ્રોપર્ટી ભેટમાં આપી છે. સામાન્ય રીતે પિતા પોતાના સંતાનોને ભેટ આપતા હોય છે, જ્યારે શ્રદ્ધાએ હાલમા જ પિતા શક્તિને મુંબઇના જુહુ એરિયામાં એક ફ્લેટ ભેટમાં આપ્યો છે. આ ફ્લેટની કિંમત ૧.૩ કરોડ છે. શ્રદ્ધાએ આ પ્રોપર્ટીનો ૫૦ ટકા હિસ્સો ગિફ્ટ કર્યો છે.