મુંબઈ , તા.21 ફેબ્રુઆરી-2023, મંગળવાર : મહારાષ્ટ્રમાં એકનાથ શિંદે અને ઉદ્ધવ ઠાકરે જૂથો વચ્ચેની લડાઈ હવે નવા સ્તરે પહોંચી ગઈ છે.ઉદ્ધવ ઠાકરે જૂથના નેતા અને રાજ્યસભા સાંસદ સંજય રાઉતે એકનાથ શિંદેના પુત્ર અને કલ્યાણના સાંસદ શ્રીકાંત શિંદે પર હુમલો કરવાનો કોન્ટ્રાક્ટ આપવાનો આરોપ લગાવ્યો છે.આ અંગે તેમણે થાણે પોલીસ કમિશનર અને ડેપ્યુટી સીએમ દેવેન્દ્ર ફડણવીસને પત્ર લખ્યો છે.
શ્રીકાંત શિંદેએ મને મારવા માટે સોપારી આપી હતી – રાઉત
સંજય રાઉતે આ અંગે ડેપ્યુટી સીએમને પત્ર લખ્યો છે.આ પત્રમાં સંજય રાઉતે લખ્યું છે કે મહારાષ્ટ્રમાં સત્તા પરિવર્તન બાદ મારી સુરક્ષા પાછી ખેંચી લેવામાં આવી હતી.આ પછી સત્તાધારી પક્ષના ધારાસભ્યો અને તેમની ટોળકી તરફથી ઘણી ધમકીઓ મળી હતી.મેં તમને સમયાંતરે આ વિશે જાણ કરી છે.હું આજે તમને કહી રહ્યો છું કે એકનાથ શિંદેના પુત્ર શ્રીકાંત શિંદેએ થાણેના ગુંડા રાજા ઠાકુરને મારા પર હુમલો કરવાનો કોન્ટ્રાક્ટ આપ્યો છે અને તે જલ્દી જ મારા પર હુમલો કરવાની તૈયારી કરી રહ્યો છે.રાઉતે પત્રમાં વધુમાં લખ્યું છે કે હું સંસદ સભ્ય,સામના એક્ઝિક્યુટિવ એડિટર અને શિવસેનાનો નેતા છું પરંતુ એક જવાબદાર નાગરિક તરીકે હું તમને આ માહિતી આપી રહ્યો છું.
સંજય રાઉતના આરોપો રાજકીય સ્ટંટ છે – સંજય શિરસાઠ
ABP Majha અનુસાર, શિંદે જૂથના ધારાસભ્ય સંજય શિરસાથે સંજય રાઉતના આરોપોને રાજકીય સ્ટંટ ગણાવ્યા છે.તેમણે કહ્યું કે રાઉતના આરોપોમાં કોઈ સત્ય નથી.તેણે કહ્યું કે હાલમાં જ તેણે 2 હજાર કરોડની ડીલની વાત કરી હતી અને હવે તેણે આ નવો સૂર આપ્યો છે.તેમણે કહ્યું કે જો તપાસમાં આવું કંઈ નહીં મળે તો તેમની સામે માનહાનિનો કેસ કરવામાં આવશે.આની તપાસ થવી જોઈએ.
રાજ્યમાં કાયદો અને વ્યવસ્થા નથી – આદિત્ય ઠાકરે
આ સમગ્ર મામલે પ્રતિક્રિયા આપતા આદિત્ય ઠાકરેએ કહ્યું કે સંજય રાઉત દ્વારા મળેલી ધમકીને ગંભીરતાથી લેવાની જરૂર છે.
