મુંબઈ, તા. 16 માર્ચ 2022, બુધવાર : બોલિવુડ અભિનેત્રી કરીના કપૂર ખાન ફિલ્મ નિર્માતા સુજોય ઘોષના ડિરેક્શનમાં બનનારી Netflix ફિલ્મ સાથે પોતાના OTT ડેબ્યુ માટે તૈયાર છે અને સ્ટ્રીમરે બુધવારે આ અંગેની જાહેરાત કરી હતી.
ફિલ્મના ટાઈટલનું નામ હજુ નક્કી નથી થયું પરંતુ આ મર્ડર મિસ્ટ્રી ફિલ્મ 2005ના જાપાનીઝ બેસ્ટ સેલર ‘ધ ડિવોશન ઓફ સસ્પેક્ટ X’ પર આધારિત છે અને તેમાં અભિનેતા જયદીપ અહલાવત અને વિજય વર્મા પણ જોવા મળશે.
વિદ્યા બાલન અભિનીત ફિલ્મ ‘કહાની’ અને તાપસી પન્નુની ‘બદલા’ જેવી થ્રિલર ફિલ્મોના દિગ્દર્શન માટે પ્રખ્યાત એવા ઘોષે જણાવ્યું કે,તેઓ આ ફિલ્મ માટે કીગો હિગાશિનોની નવલકથાનો પ્લોટ સ્વીકારવા માટે ઉત્સાહિત છે.
ડિરેક્ટરે જણાવ્યું કે ‘ડિવોશન’ કદાચ મેં વાંચેલી શ્રેષ્ઠ લવ સ્ટોરી છે અને તેને ફિલ્મમાં રૂપાંતરિત કરવાની તક મળવી એ એક સન્માનની વાત છે.ઉપરાંત,મને કરીના,જયદીપ અને વિજય સાથે કામ કરવાની તક મળે છે.એનાથી વધારે હું શું માગું?
કરીના છેલ્લે 2020માં ફિલ્મ ‘અંગ્રેજી મીડિયમ’માં મોટા પડદા પર જોવા મળી હતી.તેણે આ પ્રોજેક્ટને ‘ઈલેક્ટ્રીફાઈન્ગ’ સફરની શરૂઆત ગણાવ્યો હતો.
કરીનાએ જણાવ્યું કે,આ ફિલ્મમાં એક મહાન વાર્તા,એક સ્વપ્નદ્રષ્ટા દિગ્દર્શક અને એક સુપર પ્રતિભાશાળી કાસ્ટ અને ક્રૂ એ બધું જ છે.હું ખરેખર સુજોય,જયદીપ અને વિજય સાથે કામ કરવા ઉત્સુક છું.
41 વર્ષીય અભિનેત્રીએ જણાવ્યું કે,આ એક ઈલેક્ટ્રીફાઈન્ગ સફરની શરૂઆત છે અને વિશ્વભરના પ્રેક્ષકો આ વૈશ્વિક બેસ્ટસેલર પુસ્તકને જીવંત રૂપમાં જુએ તે માટે હું અધીરી બની છું.”
આ ફિલ્મનું નિર્માણ ટ્વેલ્થ સ્ટ્રીટ એન્ટરટેઈનમેન્ટ,નોર્ધન લાઈટ્સ ફિલ્મ્સ દ્વારા બાઉન્ડસ્ક્રીપ્ટ અને ક્રોસ પિક્ચર્સ સાથે મળીને કરવામાં આવ્યું છે.
ઘોષ તેમાં જય શેવક્રમાણી,અક્ષય પુરી,ઘોષ અને થોમસ કિમ સાથે નિર્માતા તરીકે સેવા આપશે.
પ્રોડ્યુસરે જણાવ્યું કે,કરીના ફોર્મેટ,શેડ અથવા શૈલીને ધ્યાનમાં લીધા વિના તેની દરેક ભૂમિકામાં હંમેશા સ્ટાર પર્ફોર્મર રહી છે.તેનું ડિજિટલ ડેબ્યુ આપણા બધા માટે એક આકર્ષક પ્રોજેક્ટ બનવા જઈ રહ્યું છે. અલબત્ત જયદીપ અને વિજય પણ અદભૂત કલાકારો છે અને ચોક્કસપણે તેમની પોતાની કુશળતાને ટેબલ પર લાવશે.અમે આ પ્રોજેક્ટ માટે Netflix સાથે સહયોગ કરવા માટે ઉત્સાહિત છીએ.પુસ્તકની વાર્તા આકર્ષક છે અને અમે ફ્લોર પર જવા માટે ફિલ્મના અનુકૂલનની રાહ જોઈ રહ્યા છીએ.
ફિલ્મ્સ એન્ડ લાયસન્સિંગ,નેટફ્લિક્સ ઈન્ડિયાના ડિરેક્ટર પ્રતિક્ષા રાવે જણાવ્યું હતું કે,થ્રિલર્સ એ સ્ટ્રીમરની ભારતીય ફિલ્મ સ્લેટનો અભિન્ન ભાગ છે.
વધુમાં જણાવ્યું કે,અમે અમારા બેસ્ટસેલર,’ધ ડિવોશન ઓફ સસ્પેક્ટ X’નું અનુકૂલન અમારા મેમ્બર્સ સુધી લાવવા માટે ઉતાવળા બન્યા છીએ.
