સુપ્રીમ કોર્ટ દ્વારા સુદર્શન ચેનલના યુપીએસસી જિહાદ કાર્યક્રમ ઉપર પ્રતિબંધ મૂકવામાં આવ્યો છે.મુસ્લિમ સમુદાય દ્વારા સિવિલ સર્વિસિઝમાં પ્રવેશ મેળવવા મુદ્દે આ ચેનલ દ્વારા એક કાર્યક્રમ બતાવવામાં આવી રહ્યો હતો જેના ઉપર કોર્ટે પ્રતિબંધ ફરમાવ્યો છે.બિન્દાસ બોલ શો હેઠળ યુપીએસસી જિહાદ ચર્ચા શરૂ કરવામાં આવી હતી.કોર્ટે આ મુદ્દે ૧૭ સપ્ટેમ્બરે વિગતે સુનાવણી કરવાના આદેશ આપ્યા છે.સુપ્રીમ કોર્ટે જણાવ્યું કે,આ કાર્યક્રમ મુસ્લિમ સમુદાયને બદનામ કરવા માટે બનાવવામાં આવ્યો છે.આ કાર્યક્રમના ૯ એપિસોડ છે જેમાંથી પહેલાં ૨ એપિસોડ ઉપર પ્રતિબંધ મુકાયો છે અને બાકીના સાત અંગે આગામી સમયમાં નિર્ણય લેવાશે.
કોર્ટે જણાવ્યું કે,એક સમુદાય કે તેના લોકોને ટાર્ગેટ કરીને બતાવવામાં આવતા આવા સનસની કાર્યક્રમોને રજૂ કરવાની પરવાનગી ન આપી શકાય.આ કાર્યક્રમ દેખીતી રીતે જ મુસ્લિમ સમુદાયને બદનામ કરવાના પ્રયાસ સમાન છે.અમે કેબલ ટીવી એક્ટ હેઠળ લાગુ પ્રોગ્રામ કોડના પાલનને સુનિશ્ચિત કરવા માટે બાધ્ય છીએ. એક સ્થિર લોકતાંત્રિક સમાજની ઈમારત અને અધિકારો તથા કર્તવ્યોનું શરતી પાલન જ સમુદાયોના સહ-અસ્તિત્વ ઉપર આધારિત છે.કોઈપણ સમુદાયને કલંકિત કરવાના આવા પ્રયાસોને અટકાવવા જ જોઈએ.અમારા મતે પાંચ સભ્યોની એક સમિતિની રચના કરવામાં આવે જે ઈલેક્ટ્રોનિક મીડિયાના માપદંડો નક્કી કરે
