– જાણીતી કો-ઓપરેટીવ બેંકના બોર્ડ ઓફ ડિરેક્ટરોએ ડાયમંડ કંપની પાસે 300 કરોડ પરત માંગ્યા પરંતુ કંપનીએ 6 મહિનાનો સમય માંગ્યો
– સુરતના લેબગ્રોન ડાયમંડ કિંગને કો-ઓપરેટીવ બેંકે કોલેટરલ નિયમ અને આરબીઆઇના નિયમ વિરુદ્ધ 600 કરોડની લોન આપી હતી
– લેબગ્રોન ડાયમંડ કંપનીનો આંકડો 1000 કરોડ કરતા વધુ : અંદાજિત 2000 કે 2500 કરોડનો હોવાની હીરાબજારમાં ચર્ચા !!
સુરત,તા. 5 જુલાઇ 2023, બુધવાર : ( એડિટર : જિગર વ્યાસ ) : શહેરની એક કો-ઓપરેટિવ બેંકે નાણાકીય મુશ્કેલીનો સામનો કરી રહેલી લેબ-ગ્રોન ડાયમંડ કંપનીને રૂ.600 કરોડની લોન આપી હોવાના અહેવાલ પ્રાપ્ત થઇ રહ્યા છે.કહેવાઈ છે કે આ લેબગ્રોન ડાયમંડ કંપની હાલ ગંભીર આર્થિક સંકટનો સામનો કરી રહી છે જેની વાત વાયુવેગે હીરાબજાર સહીત શહેરના ઉદ્યોગજગતમાં જોરશોરથી ચર્ચાઈ રહી છે ત્યારે હવે આરબીઆઇના નિયમો નેવે મૂકી કો-ઓપરેટીવ બેંક એ લેબગ્રોન ડાઇમંડ બનાવતી પેઢી પાસે 300 કરોડ રૂપિયાની ઉઘરાણી શરુ કરી છે.
આ અંગે પ્રાપ્ત માહિતી મુજબ બેંકના આ નિર્ણયને કારણે વાતાવરણ વધુ દોહરાયું છે અને લેબગ્રોન કંપનીના ઉઠમણાં કે કાચાં પડવા અંગેની ચર્ચાને સમર્થન પ્રાપ્ત થયું છે એમ પણ કહી શકાય.બીજી તરફ આ પ્રકરણને કારણે એવી પણ ચર્ચા ફેલાઈ છે કે શહેરની જાણીતી સહકારી બેંકે ભારતીય રિઝર્વ બેંક (RBI) દ્વારા નિર્ધારિત ધોરણોની અવગણના કરી ક્યાં આધારે 600 કરોડની લોન મંજૂર કરી હતી ? વધુમાં આવી નોંધપાત્ર લોન બાબતે બેંકની કોલેટરલ પોલિસી અને જરૂરિયાતો અંગે પણ ચિંતાઓ ઉભી થઇ છે.નોંધનીય છે કે સહકારી બેંકે આ હીરાની કંપનીને આટલી મોટી લોન આપી હોય તેવો આ પ્રથમ પ્રસંગ છે.જેમાં હાલ આ લેબગ્રોન ડાયમંડ બનાવતી કથિત કંપનીની મુશ્કેલીઓ વધી જવા પામી છે.લેબગ્રોન ડાયમંડ મશીન મારફતે હીરા તૈયાર કરતી કંપનીમાં વરાછા વિસ્તારના ઇન્વેસ્ટર્સના અંદાજિત 1000 કરોડ કરતા વધુ નાણાં ફસાયા હોવાની વાત જાહેર થઇ ચુકી છે,ત્યારે હવે કો-ઓપરેટીવ બેંકે આ કંપનીને આરબીઆઇના નિયમો અને કોલેટરેલ સિક્યુરિટીઝની ધરાર અવગણના કરી 600 કરોડની લોન આપી હતી પરંતુ બેંકે હવે 300 કરોડ પરત માંગતા લેબગ્રોન ડાયમંડ કંપનીના સંચાલકે 6 મહિનાનો સમય માંગ્યો છે.જેવી રીતે છેલ્લાં અઠવાડિયાથી રોકાણકારો પણ આ કંપની સામે ઉઘરાણી કરી રહ્યાં છે તે બાદ હવે પિક્ચરમાં ટ્વિસ્ટ જોવા મળી રહ્યો છે.
લેબગ્રોન ડાયમંડનું ઉત્પાદન કરતી આ કંપની કાચી પડી કે માત્ર 2 વર્ષ પહેલા સ્થાપિત પ્રાઇવેટ લિમિટેડ કંપની તરીકે સ્થાપિત થઇ છે અને જેની ઑથોરાઈસડ કેપિટલ માત્ર 15 લાખ જયારે પેઈડ- અપ કેપિટલ 10 લાખ રૂપિયા હતી,તે કંપનીએ બજારમાંથી મશીનમાં લેબગ્રોન ડાયમંડના નામે ઇન્વેસ્ટર્સ પાસે 1.61 કરોડમાં ચિઠ્ઠીના આધારે રોકાણ કરાવ્યા હતા જે આજ સુધી અદ્રશ્ય રહ્યા છે.જેમાં હીરા તો તૈયાર થઈને બહાર આવે છે પણ મશીનના દર્શન કોઈપણ રોકાણકારે આજદિન સુધી થયા નથી ત્યારે હવે યજ્ઞ પ્રશ્ન એ ઉભો થયો છે કે, શહેરની આ જાણીતી કો-ઓપરેટીવ બેંકે ક્યાં આધારે 600 કરોડની લોન નિયમો વિરુદ્ધ આ કંપનીને આપી દીધી ? આ આઘાતજનક અને સ્ફોટક મામલો છે,જેનો હવે પર્દાફાશ થયો છે,જે એવા સમયે છે કે હવે આ લેબગ્રોન કંપનીની આર્થિક અસઘ્ધરતા અને ફાઇનાન્સિયલ વ્યહવારો અંગે પ્રશ્નો ઉભા કરી રહ્યા છે.સુરતની સૌથી જૂની અને જાણીતી સહકારી બેંકની ધિરાણ પ્રથા અંગે પ્રશ્નો ઉભા થયા છે,કારણ કે તેણે હાલમાં નાણાકીય ગરબડનો સામનો કરી રહેલી લેબગ્રોન ડાયમંડ મશીન મેન્યુફેક્ચરિંગ કરતી કંપનીને રૂ.600 કરોડની આશ્ચર્યજનક લોન મંજૂર કરી આપી હતી.
સુરતના નાણાકીય લેન્ડસ્કેપમાં ઘણા લાંબા સમયથી અસ્તિવમાં રહેલી આ કો-ઓપરેટિવ બેંક આરબીઆઈ દ્વારા નિર્ધારિત માર્ગદર્શિકાથી વિરુદ્ધ જવા બાદલ તપાસનો સામનો કરી રહી છે.લેબગ્રોન ડાયમંડ કંપની માટે રૂ. 600 કરોડની લોન મંજૂર કરવાના નિર્ણયથી બેંકના નિયમનકારી ધોરણો અને ધિરાણ પદ્ધતિઓના પાલન અંગે પણ ગંભીર પ્રશ્નો ઉભા થયા છે.ટીકાકારોએ પ્રશ્ન કર્યો છે કે શું સહકારી બેંકે આટલી નોંધપાત્ર લોન મેળવવા માટે લેબ-ઉગાડેલી ડાયમંડ કંપની પાસેથી પર્યાપ્ત કોલેટરલ મેળવ્યું હતું ? કોલેટરલ ધિરાણકર્તાઓ માટે રક્ષણ તરીકે કામ કરે છે અને નોંધપાત્ર રકમ ધિરાણ સાથે સંકળાયેલા જોખમને ઘટાડે છે કોલેટરલ એગ્રીમેન્ટ્સ પર સ્પષ્ટ માહિતીની અસ્પષ્તાએ બેંકની નિર્ણય લેવાની પ્રક્રિયાને લગતી શંકાઓને વધુ વેગ આપ્યો છે.
લોનના અભૂતપૂર્વ સ્કેલને જોતાં સહકારી બેંકના નાણાકીય સ્વાસ્થ્ય અને સ્થિરતા પર સંભવિત અસર અંગે ચિંતાઓ વધી રહી છે.થાપણદારો અને હિતધારકો માટે સંભવિત પરિણામો વિશે ચિંતા વ્યક્ત કરીને ઉદ્યોગ નિષ્ણાતોએ તેની પરંપરાગત ધિરાણ પદ્ધતિઓમાંથી બેંકના વ્યહવારો અંગે આશ્ચર્ય વ્યક્ત કર્યું છે.આ સહકારી બેંકના બોર્ડ ઓફ ડિરેક્ટર્સે તાજેતરમાં લેબગ્રોન ડાયમંડ કંપનીના માલિકનો સંપર્ક કરીને નોંધપાત્ર લોન એડવાન્સિસની સુરક્ષા અંગે ચર્ચા કરી હતી.જવાબમાં, કંપનીના માલિકે ભારપૂર્વક જણાવ્યું હતું કે તે ખંતપૂર્વક હપ્તાઓની ચુકવણી કરી રહ્યો છે અને નાદારીની શક્યતાને જોરદાર રીતે નકારી કાઢે છે.તેમ છતાં સહકારી બેંકના બોર્ડ ઓફ ડિરેક્ટર્સે આગ્રહ કર્યો હતો કે હીરા કંપનીના માલિકે તેની જવાબદારી ઘટાડવા અને ધિરાણકર્તાઓમાં વિશ્વાસ જગાડવા માટે લોનનો નોંધપાત્ર ભાગ ખાસ કરીને રૂ. 300 કરોડની ચુકવણી તાત્કાલિક કરી દે તે હિતાવહ છે.સુત્રો જણાવે છે કે કથિત ઉઠમણાં અને કંપની કાચી પડી હોવાની અફવા અને ચર્ચાઓ વચ્ચે આ હીરા કંપનીના માલિકે બેંકની માંગ પૂરી કરવા માટે લગભગ છ મહિનાનો સમય માંગ્યો છે.દરમિયાન, નાણાકીય અવરોધોનો સામનો કરી રહેલી કંપનીના માલિકે હોંગકોંગ,સિંગાપોર,યુનાઇટેડ સ્ટેટ્સ અને દુબઈમાં કંપનીની ઓફિસો બંધ કરી દીધી છે.આ પગલું તેની સંસ્થાને પડેલા આર્થિક સંકટ અને નાણાકીય નબળાઈના પરિણામ સ્વરૂપે જોવામાં આવી રહ્યું છે.
સુરત સ્થિત કો-ઓપરેટિવ બેંકે કયા સંજોગોમાં લેબગ્રોન હીરા તૈયાર કરતી કંપનીને નોંધપાત્ર લોન એડવાન્સ આપી તે અંગે ચિંતા ઉભી થઈ છે.અટકળો સૂચવે છે કે લેબગ્રોન કંપનીના આ માલિકનો રાજકીય પ્રભાવ અને વરિષ્ઠ રાજકીય વ્યક્તિઓ સાથેના ગાઢ સંબંધોએ લોન અપાવવામાં નિર્ણાયક રહી હોઈ શકે છે.બીજી તરફ લેણદારોને પણ વાયદા પર વાયદા મળી રહ્યા છે અને બેંક મારફતે 600 કરોડની લોન લેવાનો મામલો સામે આવતા હવે લેબગ્રોન કિંગ તરીકે ઓળખાતા આ હીરા ઉધોગકારની મુશ્કેલીઓ પ્રતિદિન વધી રહી છે.જેનાથી બેંક લોનની ચુકવણી અંગે પણ શંકા વહેતી થઇ છે કે શું આ નામાંકિત કો-ઓપરેટીવ બેંકને લોનના 600 કરોડ પરત મળશે ? કે ભૂતકાળમાં જે હાલ સુર્યપુર કો-ઓપરેટીવ સહીત અન્ય બેંકોના થયા હતા એવા હાલ આ બેંકના થશે ? હાલ તો 300 કરોડ રૂપિયા બેંક એ પરત માંગતા લેબગ્રોન કંપનીના સંચાલકે જેમ રોકાણકારોને દિવાળી બતાવી છે એમ બેંકને પણ આ જ જવાબ આપ્યો છે જેને લઇ ધિરાણ ચુકવણી પરત કરવાની શક્યતા અંગે ચિંતાઓ વધી છે.આ કંપની બે વર્ષ અગાઉ એટલે કે 6 એપ્રિલ 2021ના રોજ બજારમાં સ્થાપિત થઇ હતી જેનો મુખ્ય ધંધો લેબગ્રોન ડાયમંડનો છે,પરંતુ માત્ર આટલા ટૂંકા ગાળામાં એક જાણીતી કો-ઓપરેટીવ બેંક નિયમો વિરિદ્ધ 600 કરોડની લોન મંજુર કરે છે અને રોકાણકારો મશીનમાં રોકાણ નામે ચિઠ્ઠીમાં 1.61 કરોડ રૂપિયાના ભાવે મશીનમાં રોકાણ કરે છે કે જે મશીન આજ સુધી આ કંપનીએ કોઈને બતાવ્યા નથી કે આપ્યા નથી.આ બધા વચ્ચે પ્રિ-પ્લાન ઉઠમણાંનો તખ્તો ગોઠવ્યો હોવાની આશંકા ઘણી પ્રબળ બને છે.આ ઉપરાંત આંકડો અંદાજિત 2000 કે 2500 કરોડનો હોવાની પણ ચર્ચા હીરાબજારમાં થઇ રહી છે.આ લેબગ્રોન ડાયમંડ બનાવતી કંપનીના તમામ ટ્રાજેક્શન શંકાસ્પદ ફાઇનાન્સિયલ લેન્ડફોલ તરફ ઈશારો કરી રહ્યા હોવાનું પણ જાણવા મળ્યું છે.
