સુરત : સુરતના અડાજણ સ્થિત કેબલ બ્રીજ પર બે માસનું બાળક ત્યજી દેવાયેલી હાલતમાં મળી આવ્યું હતું.રાહદારીની નજર બાળક પર પડતા પોલીસને જાણ કરી હતી.પોલીસે ઘટના સ્થળે આવી બાળકને સારવાર અર્થે સિવિલ હોસ્પિટલ ખસેડ્યું છે તો બીજી તરફ આ સમગ્ર મામલે ગુનો નોંધી તપાસ શરુ કરી છે.બનાવના સીસીટીવી ફૂટેજ સામે આવતા પોલીસે તપાસ હાથ ધરી છે.
સુરતના મગદલ્લામાં નવજાતને બિલ્ડીંગ પરથી ફેકી દેવાની ઘટના સમી નથી,ત્યાં વધુ એક બાળકને ત્યજી દેવાની ઘટના સુરત શહેરમાં સામે આવી છે.મળતી માહિતી મુજબ સુરતના અડાજણ અને પાર્લે પોઈન્ટને જોડતા કેબલ બ્રીજ પર એક બાળક ત્યજી દેવાયેલી હાલતમાં મળી આવ્યું હતું.અહીંથી રાહદારીઓ પસાર થતા લોકોની નજર ફૂલ જેવા માસુમ બાળક પર પડી હતી.લોકોએ તાત્કાલિક બનાવની જાણ પોલીસને કરી હતી જેથી પોલીસના ઉચ્ચ અધિકારીઓ ઘટના સ્થળે દોડી આવ્યા હતા. પોલીસે તાત્કાલિક બાળકને સારવાર અર્થે સિવિલ હોસ્પિટલ ખસેડ્યું છે.જ્યાં બાળકની સારવાર ચાલી રહી છે.તો બીજી તરફ બાળક કોનું છે અને તેને અહી કોણ મૂકી ગયું તે સમગ્ર મામલે અડાજણ પોલીસે ગુનો નોંધી તપાસ શરુ કરી છે.
ઉલ્લેખનીય છે કે બે માસના ફૂલ જેવા માસુમ બાળકને ત્યજી દેવાની ઘટના સામે આવતા ચકચાર મચી જવા પામી હતી.માસુમ બાળકને ત્યજી દેનારા સામે લોકોએ ફિટકાર વરસાવી હતી.આ સમગ્ર મામલે અડાજણ પોલીસે ગુનો નોંધી તપાસનો ધમધમાટ શરુ કર્યો છે.
સીસીટીવી ફૂટેજ સામે આવ્યા
કેબલ બ્રીજ પર બાળક ત્યજી દેવાની ઘટનામાં સીસીટીવી ફૂટેજ સામે આવ્યા છે.સીસીટીવીમાં એક શંકાસ્પદ દંપતી બાળકને ત્યજીને જતા હોવાનું દેખાઈ રહ્યું છે.આ સમગ્ર મામલે પોલીસે સીસીટીવી ફૂટેજના આધારે તપાસનો ધમધમાટ શરુ કર્યો છે.બાળક બે માસનું છે.તેને હાલ સિવિલ હોસ્પિટલમાં સારવાર અપાઈ રહી છે.બાળક સ્વસ્થ હોવાનું જાણવા મળ્યું છે.તેમજ પોલીસની સી ટીમ બાળકની હાલ દેખરેખ રાખી છે.બાળકના પરિવારજનો સુધી પહોચવા માટે પોલીસે અલગ અલગ ટીમ બનાવી તપાસનો ધમધમાટ શરુ કર્યો છે.
