સુરત ક્રાઇમ:કહેવાતો મામો બોયફ્રેન્ડ નીકળ્યો,ઝઘડો થતાં ઝેર પીધાની આશંકા

સુરત:પીપલોદની ઓયો હોટેલમાં યુવતીના મોતનો મામલો પોલીસને રૂમમાંથી દારૂની બોટલ પણ મળી હતી,અઢી વર્ષથી પંકજ સાથે પ્રેમસંબંધ હતો

પીપલોદની ઓયો હોટેલમાં નવા વર્ષની ઉજવણી કરવા બોયફ્રેન્ડ સાથે ગયેલી કતારગામની 22 વર્ષની યુવતીના મોતમાં પોલીસ તપાસમાં ચોંકાવનારી વિગતો સામે આવી છે.યુવતીએ ઝેર પીધું હોવાની વાત હોટેલમાં સાથે રોકાયેલી 3 બહેનપણીઓએ પોલીસ નિવેદનમાં કરી છે.ઓયો હોટેલમાં શુક્રવારે રાત્રે 9 કલાકે પહેલા મૃતક સહિત 3 યુવતીઓ આવી હતી.પછી 10 વાગ્યે 4 યુવકો અને એક યુવતી આવી હતી.કહેવાતો મામો પંકજ યુવતીનો બોયફ્રેન્ડ નીકળ્યો છે.પંકજ સાથે સેલવાસમાં કોઈ બાબતે ઝઘડો થયો હતો.આ ઝઘડો પાછો શુક્રવારે રાત્રે પણ થયો હતો.યુવતી ટોઇલેટમાંથી બહાર આવી ત્યારે બહેનપણીઓને ઝેર પીધાનું કહ્યું હતું.આથી બહેનપણીઓએ બીજા રૂમમાં લઈ જઈ વોમિટ કરાવી હતી. બહેનપણીઓએ તેને સમજાવી હતી કે આવું ન કરાય, ત્યારે યુવતીએ કહ્યું કે,હું તો મજાક કરૂ છું.મે કશું પીધું નથી. રાત્રે પણ પાછી વોમિટ કરી હતી.પાર્ટી પુરી થતા 12.30 વાગ્યે ત્રણેય યુવકો યુવતીઓ સાથે પોત-પોતાના રૂમમાં ગયા હતા.સવારે યુવતી ન ઉઠતા પંકજે ત્રણેયનો રૂમનો દરવાજો ખખડાવી મૃતકના પરિવારને જાણ કરી હતી

પોલીસને રૂમમાંથી ખાલી દારૂની બોટલ પણ મળી હતી. અઢી વર્ષથી યુવતી સાથે પ્રેમસંબંધ હોવાની વાત પણ પંકજે પોલીસ સમક્ષ કબૂલી હતી. યુવતીએ ખરેખર ઝેર પીધું છે કે કેમ તે જાણવા ઉમરા પોલીસ પીએમ રિપોર્ટની રાહ જોઈ રહી છે.