બારડોલી : ધીમા પગલે ફરીથી કોરોનાની એન્ટ્રી થઈ રહી છે.સુરત જિલ્લાના ગ્રામ્ય વિસ્તારમાં બુધવારે વધુ 12 કેસો નોંધાતા હાલ એક્ટિવ કેસોની સંખ્યા 48 પર પહોંચી છે.સોમવારના રોજ 10 કેસો નોંધાયા બાદ આજે વધુ 12 કેસો આવતા વિસ્તારના લોકોમાં ફફડાટ ફેલાય ગયો છે.
લોકોને પણ તંત્ર દ્વારા માસ્ક પહેરીને બહાર નીકળવાની સલાહ આપવામાં આવી રહી છે.સુરત શહેરની સાથે સાથે જિલ્લામાં પણ કોરોનાની ચોથી લહેરના ભણકારા વાગી રહ્યા છે.દિવસે દિવસે કેસોની સંખ્યામાં સતત વધારો થઈ રહ્યો છે.જિલ્લામાં બુધવારના રોજ નવા 12 કેસો આવ્યા હતા.સૌથી વધુ કામરેજ તાલુકામાં 4 કેસો નોંધાયા હતા.
જ્યારે બારડોલી તાલુકામાં 2,ચોર્યાસી તાલુકામાં 2,મહુવા તાલુકામાં 1,માંડવી તાલુકામાં 0,માંગરોળ તાલુકામાં 1,ઓલપાડ તાલુકામાં 0,પલસાણા તાલુકામાં 2 અને ઉમરપાડા તાલુકામાં 0 કેસ નોંધાયા હતા.હાલ જિલ્લામાં 48 કેસ એક્ટિવ છે.બુધવારના રોજ ચાર દર્દીઓ કોરોના મુક્ત થયા હતા.અત્રે ઉલ્લેખનીય છે કે તમામ લહેર મળીને સુરત જિલ્લામાં અત્યાર સુધીમાં 42 હજાર 892 કેસો નોંધાય ચૂક્યા છે જે પૈકી 559 દર્દીઓના મોત થયા છે.
