– ગ્રૂપ એડમીને ફોટો મૂકનારને ગ્રૂપમાંથી કાઢી નાખ્યો
બારડોલી : સુરત જિલ્લા ભાજપની આઈ.ટી. સેલના વોટ્સએપ ગ્રૂપમાં એક કાર્યકરે અશ્લીલ ફોટો મુકતા કરતાં ખળભળાટ મચી ગયો છે.ગ્રૂપમાં મહિલા કાર્યકરો પણ હોય ક્ષોભજનક સ્થિતિમાં મુકાય ગયા હતા.ગ્રૂપ એડમીન દ્વારા અશ્લીલ ફોટો શેર કરનાર કાર્યકરને તાત્કાલિક રીમુવ કરી દેવામાં આવ્યા હોવાનું જાણવા મળે છે.
ભાજપ સહિતના રાજકીય પક્ષોના નેતાઓ અને કાર્યકર્તાઓના ગ્રૂપમાં અશ્લીલ ફોટો કે વિડીયો સહિતની સામગ્રી ઘણી વખત શેર થઈ જતી હોય છે.આવી હરકતને કારણે ગ્રૂપમાં મહિલાઓ તેમજ વડીલ કાર્યકર્તાઓએ પણ શરમજનક સ્થિતિમાં મુકાય જવું પડતું હોય છે.આવી જ સ્થિતિ મંગળવારના રોજ સુરત જિલ્લા ભાજપ આઈ.ટી.સેલના (ITSM Surat Dist.) નામના ગ્રૂપમાં સર્જાય હતી. બપોરના સમયે ભાજપ આઈ.ટી. સેલના એક કાર્યકર્તા દ્વારા એક સરખા ચાર અશ્લીલ ફોટો શેર કરવામાં આવ્યા હતા.ફોટો શેર થતાં જ ગ્રૂપના કાર્યકર્તાઓમાં ખળભળાટ મચી ગઈ હતા.સાથે જ અનેક કાર્યકર્તાઓ અને નેતાઓ પણ મૂંઝવણમાં મુકાય ગયા હતા.આઇટી સેલનું ગ્રૂપ હોય તેમાં જિલ્લાના ઉચ્ચ હોદ્દેદારો અને નેતાઓ પણ જોડાયેલા છે.સાથે મહિલા કાર્યકરો પણ મોટી સંખ્યામાં આ ગ્રૂપમાં જોડાયેલી છે.
આ ફોટોને લઈને ગ્રૂપમાં વિવાદ શરૂ થયો હતો.બાદમાં અડધો કલાક બાદ સમગ્ર ઘટના અંગે ગ્રુપ એડમીનનું ધ્યાન જતાં તેમણે ફોટો મૂકનારને તાત્કાલિક રીમુવ કરી દીધા હતા.અત્રે ઉલ્લેખનીય છે કે, વોટ્સએપ ગૃપમાં આ પ્રકારના અશ્લીલ ફોટો કે વિડીયો મૂકવાની આ પહેલી ઘટના નથી અગાઉ પણ આ પ્રકારે કાર્યકરોની ભૂલના કારણે અશ્લીલ ફોટો અને વિડીયો વાઇરલ થઈ ચૂક્યા છે.
