ભાવિની પટેલ ને શિક્ષણ સમિતિ, અફઝલ પઠાણને ઉત્પાદન-સહકાર અને સિંચાઇ સમિતિના ચેરમેન બનાવાયા
સુરત : સુરત જિલ્લા પંચાયતના પ્રમુખ અને ઉપપ્રમુખની વરણી તેમજ વિવિધ સમિતિઓની રચના કર્યા બાદ સમિતિઓના સુકાનીઓની નિયુક્તિ કરવાની બાકી હતી.જે પ્રક્રિયા ભાજપના શાસકો દ્વારા જિલ્લા પંચાયતના 1200 કરોડના વહીવટ માટે સમિતિઓના અધ્યક્ષોની વરણી નો દોર આજે પૂર્ણ કરવામાં આવ્યો હતો. મહત્વની મનાતી જાહેર બાંધકામ જેવી સમિતિના અધ્યક્ષપદ માટે બે સદસ્યોની લડાઈમાં ત્રીજા રોહિત પટેલ નસીબના બળિયા પુરવાર થયા અને તેમને જાહેર બાંધકામ સમિતિનું અધ્યક્ષપદ આપવામાં આવ્યું છે.
આજરોજ વિવિધ સમિતિઓના અધ્યક્ષોની કરવામાં આવેલી નિમણૂકની વાત કરવામાં આવે તો કારોબારી સમિતિના અધ્યક્ષ તરીકે ઉમરપાડાની ધાણાવડ બેઠક પરથી ચૂંટાયેલા રાજેન્દ્ર વસાવા,જાહેર આરોગ્ય સમિતિના અધ્યક્ષ તરીકે મહુવા બેઠક પરથી ચૂંટાયેલા જીનેશ ભાવસાર,જાહેર બાંધકામ સમિતિમાં માંડવીની ગોદાવાડી બેઠક પરથી ચૂંટાયેલા રોહિત પટેલ,અપીલ સમિતિમાં પ્રમુખ ભાવેશ પટેલ,સામાજિક ન્યાય સમિતિમાં મુકેશ રાઠોડ,શિક્ષણ સમિતિમાં પલસાણાની કારેલી પરથી ચૂંટાયેલા ભાવિની પટેલ,ઉત્પાદન સહકાર અને સિંચાઈ સમિતિમાં નાની નરોલી બેઠક પરથી ચૂંટાયેલા અફઝલ ખાન પઠાણ,મહિલા બાળ વિકાસ અને યુવા પ્રવૃત્તિ સમિતિમાં માંગરોળની સામાન્ય સ્ત્રી પરથી ચૂંટાયેલા નયનાબેન સોલંકી ને તેમજ હળપતિ અને ભૂમિહીન ખેત મજુરોની આવાસ બાંધકામ સમિતિમાં સાયણ બેઠક પરથી ચૂંટાયેલા અશોક રાઠોડને અધ્યક્ષ બનાવવામાં આવેલા છે.
ઉલ્લેખનીય છે કે જાહેર બાંધકામ સમિતિ ના અધ્યક્ષ પદ માટે ભાવિનીબેન પટેલ અને અફઝલ ખાન પઠાણ બંનેને લોબિંગ કરીને ખૂબજોર ચલાવ્યું હતું પરંતુ બંને ની લડાઈમાં જાહેર બાંધકામ સમિતિના અધ્યક્ષ પદ માટે બંનેને પડતા મૂકીને રોહિતભાઈ પટેલને અધ્યક્ષ બનાવવામાં આવ્યા છે.
