– કંપનીની ત્રણ ઓફિસમાં IT વિભાગના દરોડા
ગુજરાતમાં આવકવેરા વિભાગ દ્વારા રાજ્યના અનેક સ્થળોએ દરોડાની કાર્યવાહી હાથ ધરવામાં આવી રહી છે ત્યારે આવકવેરા વિભાગે સુરતમાં જાણીતા યાર્ન ઉત્પાદકોના ત્યાં દરોડા પાડતા વેપારીઓમાં ફફડાટ જોવા મળી રહ્યો છે
સુરતની જાણીતી યાર્ન ઉત્પાદક કંપનીમાં દરોડા
સુરતમાં સેલવાસ અને દહેજના પ્લાન્ટ પર IT વિભાગની ટીમ દ્વારા તપાસ કાર્યવાહી હાથ ધરવામાં આવી હતી જેમાં 330 કરોડના બિનહિસાબી વ્યવહારો મળી આવ્યા છે એટલું જ નહી 154 કરોડ રૂપિયાનું ટ્રાન્જેક્શન આંગડિયા પેઢી મારફતે કરાયું હોવાનું ખુલ્યું છે. આવકવેરા વિભાગ દ્વારા દસ્તાવેજો અને ડિજિટલ માહિતી પણ કબ્જે કરવામાં આવી છે.જ્યારે તપાસમાં જ્વેલરી અને 11 બેંકમાં મુકેલી રકમ પણ મળી આવી છે.
કંપનીની ત્રણ ઓફિસમાં IT વિભાગના દરોડા
મહત્વનું છે કે દિલ્હી આવકવેરા વિભાગ અને અમદાવાદ ITની ટીમ દ્વારા ગુરુવારે સવારથી જ યાર્ન ઉત્પાદકની ત્રણ કંપનીની ઓફિસોમાં દરોડાની કાર્યવાહી હાથ ધરવામાં હતી આવકવેરા વિભાગના અધિકારીઓની ટીમે મોડી રાત સુધી કાર્યવાહી ચાલુ રહી હતી જેમાં કરોડો રૂપિયાના ટ્રાન્ઝેક્શન દસ્તાવેજો અને બેંક ખાતાની માહિતી મેળવી તપાસ કરવામાં આવતા બિનહિસાબી વ્યવહારો મળી આવ્યા હતા.
સેલવાસ અને દહેજના પ્લાન્ટ પર પણ દરોડા
આવકવેરા વિભાગના સૂત્રો પાસેથી મળેલી માહિતી મુજબ, ડીઆઈ વિંગના અધિકારીઓને માહિતી મળી હતી કે ગુજરાતની પોલિએસ્ટર યાર્ન બનાવતી કંપની રોકડમાં મોટા પાયે યાર્નનો કાચો માલ ખરીદી રહી છે.એટલું જ નહીં,યાર્ન બનાવ્યા બાદ કંપની કોઈ પણ બિલ વગર બજારમાં માલ વેચી રહી છે.કંપનીના સંચાલકોએ પણ ઘણા મોટા રોકાણ કર્યા છે.
દિલ્હી અને અમદાવાદ IT ટીમ દ્વારા સર્ચ ઓપરેશન
આ કંપની શેરબજારમાં પણ લિસ્ટેડ છે તેમજ કંપનીના સંચાલકો દિલ્હીથી રિટર્ન ફાઈલ કરે છે હોવાનું પણ મનાઈ રહ્યું છે.આ સમગ્ર મામલે IT દ્વારા કંપનીના સંચાલકોની પૂછપરછની તજવીજ હાથ ધરાઈ છે સમગ્ર મામલે આવકવેરા વિભાગ દ્વારા આગળની કાર્યવાહી હાથ ધરવામાં આવી છે.
દિલ્હી ઇનકમ ટેક્સ વિભગે સવારે પોલિસ્ટર યાર્ન બનાવનાર કંપનીએ સુરતમાં ત્રણ સેલ્સ ઓફિસ તથા દહેજ અને સિલવાસના યાર્ન મેન્યુફેક્ચરિંગ યૂનિટ પર રેડ પાડી હતી.પાંચ સ્થળો પર 100થી વધુ અધિકારીઓની કાર્યવાહી મોડી રાત સુધી ચાલી હતી.જાણકારી અનુસાર વિભાગને આ સ્થળો પર કરોડો રૂપિયાના ટ્રાંજેક્શનના દસ્તાવેજ બેંક એકાઉટની જાણકારી મળી છે.
ઇનકમ ટેક્સ વિભાગના સૂત્રો પાસેથી મળતી માહિતી અનુસાર ડીઆઇ વિંગના અધિકારીઓને જાણકારી મલી હતી કે ગુજરાતની એક પોલિસ્ટર યાર્ન મેન્યુફેક્ચરિંગ કંપની મોટાપાયે યાર્ન રો-મટીરિયલ્સની ખરીદી કેશમાં કરી રહી છે.એટલું જ નહી કંપની યાર્ન બનાવ્યા બાદ બિલ વિના સ્થાનિક બજારમાં માલ વેચી રહી છે.કંપનીના સંચાલકોએ ઘણા મોટા રોકાણ પણ કરી શકે છે.તેમની તપાસ બાદ ઇનકમ ટેક્સ વિભાગની 100થી વધુ અધિકારીઓની ટીમે સુરતમાં રિંગરોડ સુરત સબજેલ પાસે સ્થિત સેલ્સ ઓફિસ સહિત ત્રણ સ્થળો પર તથા દહેજ અને સિલવાસમાં કંપનીના મેન્યુફેક્ચરિંગ યૂનિટ પર રેડ પાડી હતી.કહેવામાં આવી રહ્યું છે કે આ કંપની શેર બજારમાં લિસ્ટેડ છે.કંપનીના સંચાલક દિલ્હીથી પોતાના રિટર્ન ફાઇલ કરે છે.
