સુરત,તા.24 મે 2021, સોમવાર : સુરત મહાનગરપાલિકાએ શહેરના જુદા જુદા વિસ્તારમાં ટીપી સ્કીમમાં મળેલા પાંચ લોટ વેચવા કાઢ્યા છે તેનો વિરોધ પક્ષ દ્વારા વિરોધ કરવામાં આવ્યો છે.સુરત મહાનગરપાલિકા દ્વારા આવક ઊભી કરવાના ટીપી સ્કીમ હેઠળ મળેલા પાંચ પ્લોટ 99 વર્ષ માટે લીઝ પર આપવા ઓફર મંગાવી છે.સુરત મહાનગરપાલિકા આ પ્લોટ લીઝ પર આપીને 370 કરોડથી વધુની આવક ઊભી કરવા માંગે છે.પાલિકાના વિરોધ પક્ષ આમ આદમી પાર્ટીએ પ્લોટ નંબર આપવાની કામગીરી નો વિરોધ કર્યો છે.
વિરોધ પક્ષે એક પત્રકાર પરિષદમાં આક્ષેપ કરતા કહ્યું છે કે શાસકોએ મહાનગરપાલિકાની તિજોરી તળિયા ઝાટક કરી દીધી છે.પાલિકાના વિરોધ પક્ષે પ્લોટ વેચવાનો વિરોધ કર્યો છે એની સાથે પ્લોટ ખરીદનારને પણ ચીમકી આપી છે કે જો તમે આ પ્લોટ પર પ્રોજેક્ટ કરીશું તો તેનો પણ વિરોધ કરીશું.આમ આદમી પાર્ટીએ પ્લોટ વેચવાનો વિરોધ શરૂ કર્યો છે પરંતુ આ વિરોધ કેટલો અસરકારક છે કે આગામી સમય બતાવશે.
