સુરતઃ વીર નર્મદ દક્ષિણ ગુજરાત યૂનિવર્સિટીમાં સોમવારે સિન્ડિકેટની બેઠક બોલાવવામાં આવી. તેમાં કુલ 16 મુદ્દાને સામેલ કરવામાં આવ્યા.બાદમાં 3 મુદ્દાને હટાવાયા બાદ 13 મુદ્દાઓ પર ચર્ચા કરવામાં આવી.જ્યારે એબીવીપીએ આંદોલન કરતા વિદ્યાર્થીઓના હિતના નિર્ણયને બેઠકમાં સામેલ કરવાની માંગ કરી.ત્યાર બાદ સિન્ડિકેટ અધ્યક્ષ ઈન્ચાર્જ કુલપતિ હેમાલી દેસાઈએ વિદ્યાર્થીઓના હિતના 4 મુદ્દાને સામેલ કર્યા અને તેના પર ચર્ચા કરવામાં આવી.કૉલેજોમાં જે વિદ્યાર્થીઓની એટીકેટીની પરીક્ષાના 5 ટ્રાયલ પૂરા થઈ ચૂક્યા છે.એવા વિદ્યાર્થીઓને પરીક્ષા માટે એક તક વધુ આપવાનો યૂનિવર્સિટીએ નિર્ણય લીધો છે.તેના માટે વિદ્યાર્થી આવેદન કરી શકે છે.
નિયમ નહીં માનનાર કૉલેજો થશે દંડિત
યૂનિવર્સિટીએ કહ્યું છે કે જો હવે કોઈ પણ કૉલેજમાં વિદ્યાર્થીઓ પાસેથી વધારે ફી વસૂલી કરી છે અને તપાસમમાં તેના પુરાવા મળે છે તો કૉલેજને ફી રિવીઝનલ કમિટીનો લાભ નહીં આપવામાં આવે.એવી કૉલેજોએ એફિલિએશન ફી બેગણી આપવી પડશે. તેમને નવા કોર્સ શરૂ કરવાની પરવાનગી નહીં હોય.કૉલેજોમાં ગ્રેજ્યુએશનના ડિવીઝન પણ ઓછા કરવામાં આવશે.
ગ્રેજ્યુએશન-પોસ્ટ ગ્રેજ્યુએશનમાં તમામને મળશે રિએસેસમેન્ટ
ગ્રેજ્યુએશન અને પોસ્ટ ગ્રે.ના તમામ વિદ્યાર્થીઓને રિએસેસમેન્ટમાં સામેલ કરવામાં આવ્યા છે. ગ્રેજ્યુએશનના પહેલાથી ત્રીજા વર્ષ સુધીના તમામ સેમેસ્ટરના વિદ્યાર્થીઓ હવે રિએસેસમેન્ટ કરાવી શકે છે.પોસ્ટ ગ્રેજ્યુએશનના 4 સેમેસ્ટરના વિદ્યાર્થી રિએસેસમેન્ટમાં સામેલ થયા છે.પહેલા યૂનિવર્સિટીએ કહ્યું હતું કે પ્રોફેસરોની સંખ્યા ઓછી હોવાથી તમામ વિદ્યાર્થીઓને રિએસેસમેન્ટનો લાભ નથી આપી શકાતો.
