સુલભ શૌચાલયમાં તરૃણ સાથેસુ સૃષ્ટિ વિરુધ્ધ કૃત્યમાં યુવાનના જામીન નકારાયા

સુરત : શૌચાલયમાં ન્હાવા ગયેલા 15 વર્ષના તરૃણની પાછળ બાથરૃમમાં ઘૂસી કુકર્મ કર્યાની ફરિયાદ નોંધાઇ છે.સલાબતપુરા વિસ્તારના 15 વર્ષીય તરૃણના બાથરૃમમાં ઘુસી જઈને તેની સાથે સૃષ્ટિ વિરુધ્ધનું કૃત્ય આચરી પોક્સો એક્ટના ભંગ કરવાના ગુનામાં જેલવાસ ભોગવતા આરોપીની જામીનની માંગને એડીશ્નલ સેશન્સ જજ દિલીપ મહીડાએ નકારી કાઢી છે.
સલાબતપુરા વાંસફોડા પુલ પાસે રહેતા ૨૨ વર્ષીય આરોપી સાહિલ ઉર્ફે સન્ની રાજેશ દંતાણીએ ગઈ તા.9-5-2022ના રોજ સુલભ શૌચાલયના બાથરૃમમાં નાહવા ગયેલા 15 વર્ષીય તરૃણી સાથે સૃષ્ટિ વિરુધ્ધ કૃત્ય કર્યું હતું.તરુણના વાલીની ફરિયાદના આધારે આરોપીની પોક્સો એક્ટના ભંગ બદલ સલાબતપુરા પોલીસે ધરપકડ કરી હતી.આરોપીએ સાહિત દંતાણીએ જામીન અરજી કરી જણાવ્યું હતું કે,બનાવના 24 કલાક બાદ ખોટી ફરિયાદ કરી છે.સુલભ શૌચાલયમાં વોચમેન હાજર હોવાથી આવી ઘટના શક્ય નથી.જે સામે એપીપી વિશાલ ફળદુએ જણાવ્યું હતું કે આરોપી સામે ગંભીર ગુનાના પ્રથમ દર્શનીય કેસની તપાસ હજુ નાજુક તબક્કામાં છે.વિકૃત્ત માનસિકતા ધરાવતા આરોપી ફરી આ પ્રકારે અણસમજુ બાળકો સાથે આ પ્રકારનું ગુનાઈત કૃત્ય આચરે તેવી સંભાવના છે.હાલમાં ભોગ બનનાર બાળકની સીઆરપીસી-164 મુજબનું નિવેદન લેવાની તજવીજ હાથ ધરવામાં આવી છે.