અમદાવાદ : સેન્સેક્સ સતત બીજા દિવસે વધ્યો હતો.મંગળવારે સેન્સેક્સ 934.23 પોઈન્ટ વધીને 52,532.07 પર બંધ રહ્યો હતો.આ સાથે રોકાણકારોની સંપત્તિમાં ~5.77 લાખ કરોડનો વધારો થયો હતો. આક્રમક લેવાલીને પગલે બીએસઈ લિસ્ટેડ કંપનીઓનું માર્કેટ કેપ ~5,77,006.83 કરોડ વધીને ~2,40,63,930.50 કરોડ થયું હતું.
માર્કેટમાં ઓલરાઉન્ડ લેવાલી જોવાઈ હતી.મિડ કેપ ઈન્ડેક્સ 2.42 ટકા વધ્યો હતો,જ્યારે સ્મોલ કેપ ઈન્ડેક્સ 2.99 ટકા વધ્યો હતો.નિફ્ટી પણ 288.65 પોઈન્ટની છલાંગ લગાવીને 15,638.80 પર બંધ રહ્યો હતો.એફઆઈઆઈની વેચવાલી અવિરત રહી છે.તેમણે મંગળવારે ~2701.21 કરોડની નેટ વેચવાલી કરી હતી.ડીઆઈઆઈએ ~3066.41 કરોડની નેટ ખરીદી કરી હતી.ડોલર સામે રૂપિયો ફરી નબળો પડ્યો હતો અને 15 પૈસા ઘટીને 78.13 પર બંધ રહ્યો હતો.આમ,તેણે ફરી 78ની સપાટી કૂદાવી હતી.બ્રેન્ટ ક્રૂડ ઓઈલ ઓલમોસ્ટ અઢી ટકા વધીને બેરલદીઠ 116 ડોલરની નજીક સરક્યું હતું.
