નવી દિલ્હી : સેલ કે ડિસ્કાઉન્ટ ઓફરની લાલચે હવે ઇ-કોમર્સ કંપનીઓ ગ્રાહકોને છેતરી શકશે નહીં.ભારત સરકારે મોટાપ્રમાણમાં છેતરપિંડી અને અયોગ્ય વેપાર વ્યવહારને કાબૂમાં લેવા દેશના ઇ-કોમર્સ નિયમોમાં ઘણા ફેરફાર કર્યા છે.કેન્દ્ર સરકાર દ્વારા જારી કરાયેલા નિવેદનમાં જણાવવામાં આવ્યું છે કે જે બદલાવ કરવામાં આવ્યા છે,તેમાં કેટલાક પ્રકારના ફ્લેશ સેલ પર બેન અને ઇ-કોમર્સ પ્લેટફોર્મ દ્વારા નિયમોનું પાલન ન કરવા સહિતના પગલાં સામેલ છે.
નિયમોમાં સૂચિત સુધારાઓનો હેતુ પારદર્શિતા લાવવા અને નિયમનકારી વ્યવસ્થાને મજબૂત બનાવવાનો છે, એમ નિવેદનમાં જણાવાયું છે.એવું પણ કહેવામાં આવ્યું છે કે, ‘ગ્રાહક સુરક્ષા (ઇ-કોમર્સ), 2020 માં સુધારા માટે વિચારણા,ટિપ્પણીઓ અને સૂચનો માંગવામાં આવ્યા છે’. ઇ-કોમર્સમાં અયોગ્ય વેપાર પ્રથાને કાબૂમાં લેવાના હેતુથી ગયા વર્ષે 23 જુલાઈથી નિયમોને અધિસૂચિત કરવામાં આવ્યા હતા.જો કે,ત્યારથી સરકારને પીડિત ગ્રાહકો,વેપારીઓ અને ઇ-કોમર્સમાંના સંગઠનો દ્વારા છેતરપિંડી અને અયોગ્ય વેપાર પ્રથા વિશે જાણકારી આપવામાં આવી રહી છે,તેમ નિવેદનમાં જણાવાયું છે