ન્યુ દિલ્હી, 27 એપ્રિલ 2022, બુધવાર : પાકિસ્તાનના કરાચીમાં 26 એપ્રિલનાં રોજ ચીની નાગરિકોને નિશાન બનાવવામાં આવ્યા હતા.જેમાં કરાચી યૂનિવર્સિટીમાં કન્ફ્યૂશિયસ ઇંસ્ટીચ્યૂટની પાસે એક વેનની પાસે આ બ્લાસ્ટ થયો હતો, જેમાં 3 ચીની નાગરિકો સહિત 4 લોકો માર્યા ગયા હતા.આ પહેલીવાર નથી કે જ્યારે પાકિસ્તાનમાં ચીની નાગરિકોને નિશાન બનાવવામાં આવ્યા હોય. છેલ્લા કેટલાક વર્ષોમાં પાકિસ્તાનમાં ઘણી વખત ચીની નાગરિકોને ટારગેટ બનાવીને હુમલા કરવામાં આવ્યા છે.નિષ્ણાંતોનું માનવું છે કે પાકિસ્તાનમાં ચીનના નાગરિકો પર સતત થઈ રહેલા હુમલાઓને કારણે પાકિસ્તાન પર દબાણ વધી રહ્યું છે અને જો આવું જ ચાલુ રહ્યું તો, ચીન-પાકિસ્તાન ઈકોનોમિક કોરિડોર મુશ્કેલીમાં મુકાઈ શકે છે.હુમલા બાદ પાકિસ્તાનના પીએમ શાહબાઝ શરીફ ઈસ્લામાબાદમાં ચીનના દૂતાવાસ પહોંચ્યા અને ચીનને કહ્યું કે, જ્યાં સુધી ગુનેગારોને સજા નહીં મળે ત્યાં સુધી અમે આરામ નહી કરીએ.
ચીનના વિદેશ મંત્રાલયના પ્રવક્તા હુઆ ચુનયિંગે કહ્યું છે કે, અમે કરાચી યુનિવર્સિટીમાં ચીની શિક્ષકોને નિશાન બનાવતા આતંકવાદી હુમલાની સખત નિંદા કરીએ છીએ અને પીડિતો પ્રત્યે સંવેદના વ્યક્ત કરીએ છીએ.ચીન અને પાકિસ્તાનની મિત્રતામાં કોઇ ફેરફાર નહી આવે.યૂનાઇટેડ નેશંસમાં ચીનના સ્થાયી પ્રતિનિધિ જાંગ જુને કહ્યું છે કે હું કરાચી યુનિવર્સિટી પર થયેલા આતંકવાદી હુમલાની સખત નિંદા કરું છું.ચીન અને પાકિસ્તાન બંનેના પીડિતો પ્રત્યે મારી ઊંડી સંવેદના મોકલું છું.અમે ગુનેગારોને જવાબદાર ઠેરવવામાં કોઈ કસર છોડીશું નહીં.ચીનના રાજ્ય સંચાલિત ગ્લોબલ ટાઈમ્સના એડિટર રહેલા જિજિને કહ્યું કે બલૂચ લિબરેશન આર્મીએ હુમલાની જવાબદારી લીધી છે.પાકિસ્તાન સરકારની મંજૂરી મળ્યા બાદ આ આતંકવાદી સંગઠનના કેમ્પ પર સીધો હવાઈ હુમલો કરવા માટે હું ચીની સેનાને સમર્થન આપું છું.નિષ્ણાતો માને છે કે, હુ જિજિન ચીનની સરકાર નથી અને સરકારના પ્રતિનિધિ નથી, પરંતુ તેઓ ચીનની કમ્યુનિસ્ટ પાર્ટીના મુખ્ય પ્રચારકોમાંના એક છે.આવી સ્થિતિમાં ચીન સરકારની નીતિને વધુ સારી રીતે સમજો.
નિષ્ણાતો આને પાકિસ્તાનને ચેતવણીના માર્ગ તરીકે જોઈ રહ્યા છે.નિષ્ણાતોનું માનવું છે કે ચીન પાકિસ્તાનને આ કહેવાનો પ્રયત્ન કરી રહ્યું છે કે, જો તમે પાકિસ્તાનમાં ચીની નાગરિકોની સુરક્ષા કરી શકતા નથી, તો તેને અમારા પર છોડી દો, અમે તેને સંભાળી લઈશું.સોશિયલ મીડિયા પર યુઝર્સ ચીન દ્વારા પાકિસ્તાન પર કરવામાં આવેલ એરસ્ટ્રાઇકનો વિરોધ કરી રહ્યા છે.
