– હવે મહિલાઓને લક્ષ્યાંક બનાવવાનો સિલસિલો
– બુલ્લીબાઇ એપ જેવું જ વર્ઝન હતું
નવી દિલ્હી : હિંદુ મહિલાઓને લક્ષ્યાંક બનાવતી ટેલિગ્રામ ચેનલ બ્લોક કરવામાં આવી છે, એમ આઇટી પ્રધાન અશ્વની વૈષ્ણવે જણાવ્યું હતું.તેમણે જણાવ્યું હતું કે સરકાર આ મુદ્દે પોલીસ સત્તાવાળાઓ સાથે સંકલન કરી રહી છે.
મેસેજિંગ પ્લેટફોર્મ ટેલિગ્રામ પર હિંદુ મહિલાઓને લક્ષ્યાંક બનાવતી અને તેમનો અપશબ્દો કહેતી તથા તેમના બિભત્સ ફોટા દર્શાવતી કોઈ ખાસ ચેનલ ચાલતી હોવાની આંગળી સોશિયલ મીડિયા યુઝર્સે ચીંધતા આ ચેનલ બ્લોક કરવામાં આવી છે.તાજેતરમાં કમસેકમ ૧૦૦ પ્રભાવશાળી મુસ્લિમ મહિલાઓના ફોટા એક એપ પર ઓન ઓક્શન તરીકે અપલોડ કરાતા વ્યાપક આક્રોશ ફેલાયો હતો.ગયા વર્ષે જુલાઈમાં આવેલા સુલ્લી ડીલ્સની જેમ આ વખતે બુલ્લી બાઈના નામે પિક્ચર અપલોડ કરાયા હતા.બુલ્લી બાઈ એપ ખોલતા તેમા મુસ્લિમ મહિલાઓનો ચહેરો સ્પષ્ટ દેખાય છે. મુસ્લિમ મહિલાઓ ટ્વિટર પર એકદમ સક્રિય છે. તેમા પત્રકારોનો પણ સમાવેશ થાય છે.તેઓએ તરત જ તેના તરફ ધ્યાન દોર્યુ હતું.બુલ્લી બાઇ એપના કિસ્સામાં મુંબઈ પોલીસના સાઇબર સેલે ઉત્તરાખંડની ૧૯ વર્ષીય યુવતીની મુખ્ય ગુનેગાર તરીકે ધરપકડ કરી હતી અને બેંગ્લુરુની એન્જિનિયરિંગ વિદ્યાર્થીની ધરપકડ કરી હતી.
