– નાબ્લુસમાં IDF ઓપરેશન દરમિયાન 3 આતંકવાદીઓ માર્યા ગયાના કલાકો પછી અથડામણમાં જીવંત આગથી બે ઘાયલ
પેલેસ્ટિનિયન : પેલેસ્ટિનિયન મીડિયાએ અહેવાલ આપ્યો છે કે, પશ્ચિમ કાંઠાના હેબ્રોન શહેરમાં IDF સૈનિકો સાથેની અથડામણ દરમિયાન મંગળવારે એક પેલેસ્ટિનિયન કિશોરનું મૃત્યુ થયું હતું અને અન્ય બે ઘાયલ થયા હતા.પેલેસ્ટિનિયન ઓથોરિટી હેલ્થ મિનિસ્ટ્રીએ પીડિતની ઓળખ 17 વર્ષીય મોમેન યાસીન જાબેર તરીકે કરી હતી,જે છાતીમાં જીવંત ગોળી લીધા બાદ ગંભીર હાલતમાં હોસ્પિટલમાં દાખલ થયો હતો.કિશોરનું થોડા સમય પછી જ તેની ઇજાઓને કારણે મોત નીપજ્યું હતું.
સત્તાવાર પેલેસ્ટિનિયન ઓથોરિટી વાફા ન્યૂઝ એજન્સીએ અહેવાલ આપ્યો છે કે અથડામણ દરમિયાન એક 15 વર્ષીય અને અન્ય અજાણ્યા વ્યક્તિ ઘાયલ થયા છે.અહેવાલમાં સ્પષ્ટ કરવામાં આવ્યું નથી કે હુમલાખોરો શું શસ્ત્ર હતા કે નહીં તે અંગે વિગતવાર માહિતી મળી નથી.
IDF એ આ બાબતે તાત્કાલિક કોઈ નિવેદન બહાર પાડ્યું નથી.
અથડામણના સ્થાનની નજીક બે ઇઝરાયેલી વસાહતીઓ રહેતા હતા જ્યારે પેલેસ્ટિનિયનોએ તેમના વાહનો પર પથ્થરમારો કર્યો ત્યારે તેઓ હળવા ઇજાગ્રસ્ત થયા હતા એવું Ynet સમાચાર સાઇટએ તેના અહેવાલમાં જણાવ્યું હતું.હેબ્રોન અથડામણો પશ્ચિમ કાંઠાના શહેર નાબ્લસમાં ઇઝરાયેલી આતંકવાદ વિરોધી હુમલા દરમિયાન ત્રણ સશસ્ત્ર પેલેસ્ટિનિયન માર્યા ગયાના કલાકો પછી આવી હતી.ઓપરેશન દરમિયાન ઇબ્રાહિમ નબુલસી કે જે એક વોન્ટેડ અલ-અક્સા શહીદ બ્રિગેડ ઓપરેટિવ હતો તે પણ માર્યો ગયો હતો.
ફૂટેજ બતાવે છે કે IDF સૈનિકો નાબુલસીના ઘરની આસપાસ છે,જ્યાં તે છુપાયેલો હતો ત્યારબાદ સૈનિકોએ ઇમારત સામે ખભાથી પ્રક્ષેપિત મિસાઇલોનો ઉપયોગ કર્યો એમ IDFએ જણાવ્યું હતું.ઘરને સ્કેન કર્યા પછી અને નબુલસી માર્યા ગયાની પુષ્ટિ કરાય હતી પછી સૈનિકોને મોટી સંખ્યામાં વિસ્ફોટક ઉપકરણો અને અન્ય શસ્ત્રો મળ્યા એવું શિન બેટે જણાવ્યું હતું.પેલેસ્ટિનિયન ઓથોરિટીના આરોગ્ય મંત્રાલયના જણાવ્યા અનુસાર ત્રણ પેલેસ્ટિનિયન માર્યા ગયા હતા અને 40 ઘાયલ થયા હતા અને ઓછામાં ઓછા ચારની હાલત ગંભીર હતી.મંત્રાલયે મૃતકોની ઓળખ નબુલસી,ઈસ્લામ સુબુહ અને હસીન જમાલ તાહા તરીકે કરી છે.ઇઝરાયેલી અધિકારીઓએ જણાવ્યું હતું કે ઓપરેશન દરમિયાન કોઈ સૈનિકોને નુકસાન થયું નથી પરંતુ સરહદ પોલીસનો એક કૂતરો ભાગેડુઓના ગોળીબારમાં માર્યો ગયો હતો.
હજારો પેલેસ્ટિનિયનોએ બંદૂકધારીઓ માટે દિવસ પછી યોજાયેલી અંતિમવિધિમાં હાજરી આપી હતી.
અલ-અક્સા શહીદ બ્રિગેડ એ પેલેસ્ટિનિયન ઓથોરિટીની સત્તાધારી ફતાહ પાર્ટી સાથે સંકળાયેલા સશસ્ત્ર જૂથોનું ગઠબંધન છે.આતંકવાદી જૂથે પશ્ચિમ કાંઠે પેલેસ્ટિનિયન ઇસ્લામિક જેહાદ સાથે સંયુક્ત હુમલા કર્યા છે.ગાઝા પટ્ટીમાં અને તેની આસપાસના ત્રણ દિવસના સશસ્ત્ર સંઘર્ષ બાદ ઇઝરાયેલ અને PIJ યુદ્ધવિરામ પર પહોંચ્યાના 48 કલાકથી ઓછા સમયમાં આ ઓપરેશન કરવામાં આવ્યું હતું.સોમવારે આ આતંકવાદી જૂથે ચેતવણી આપી હતી કે જ્યાં સુધી ઇઝરાયેલ તેના બે સભ્યોને મુક્ત કરવા સંમત ન થાય ત્યાં સુધી તે લડાઈ ફરી શરૂ કરી શકે છે.
ઇજિપ્તની મધ્યસ્થી આ યુદ્ધ વિરામનો પ્રસ્તાવ કે જે રાત્રે 11:30 વાગ્યે અમલમાં આવ્યો હતો.રવિવારના રોજ ત્રણ દિવસીય સંઘર્ષનો અંત આવ્યો હતો જે શુક્રવારે ઇઝરાયલી સ્ટ્રાઇક સાથે શરૂ થયો હતો.જેમાં ટોચના PIJ કમાન્ડર માર્યા ગયા હતા.પેલેસ્ટિનિયન આતંકવાદીઓએ પાછળથી ઇઝરાયેલના પ્રદેશ તરફ લગભગ 1,100 રોકેટ છોડ્યા હતા જ્યારે ઇઝરાયેલ સંરક્ષણ દળોએ ઇસ્લામિક જેહાદના લક્ષ્યોને ફટકાર્યા અને ગાઝામાં ઇરાન સમર્થિત આતંકવાદી સંગઠનના અન્ય ટોચના નેતાઓને મારી નાખ્યા હતા.
ગયા અઠવાડિયે જેનિન પરના દરોડામાં ઇસ્લામિક જેહાદના પશ્ચિમ કાંઠાના વડા બસમ સાદીની IDF દ્વારા ધરપકડ અને આતંકવાદી જૂથ દ્વારા બદલામાં આતંકવાદી હુમલાઓ કરવાની ધમકીઓ દ્વારા ત્રણ દિવસના સંઘર્ષને વેગ મળ્યો હતો.પશ્ચિમ કાંઠે તણાવ વધુ રહ્યો છે, કારણ કે ઇઝરાયેલી સુરક્ષા દળોએ ઇઝરાયલીઓ સામેના આતંકવાદી હુમલાઓના ઘાતક મોજાને પગલે ધરપકડના દરોડા અને કામગીરીમાં વધારો કર્યો હતો જેમાં આ વર્ષની શરૂઆતમાં 19 લોકો માર્યા ગયા હતા.
સમગ્ર પશ્ચિમ કાંઠે રાતોરાત અલગ-અલગ દરોડામાં સૈનિકોએ ચાર વોન્ટેડ પેલેસ્ટિનિયનોની અટકાયત કરી હતી એમ IDF એ મંગળવારે સવારે જણાવ્યું હતું.
