– 63 કંપનીમાં ખણખોદ બાકી, EDની વોચ
સુરત : 100 કરોડના બોગસ બિલિંગ ટ્રાન્ઝેક્શન, 6.54 કરોડની આઇટીસી (ઇનપુટ ટેક્સ ક્રેડિટ ઉસેટવાના કેસમાં સંડોવાયેલાં અડાજણના આરોપી ઝૈદ ચક્કીવાલાના કેસમાં ડીજીજીઇઆઇએ 18 પાનાની એક એફિડેેવિટ રજૂ કરીને જામીનનો વિરોધ કર્યો હતો અને માટે અનેક જજમેન્ટ પણ રજૂ કર્યા હતા.આરોપી પુરાવા સાથે ચેડાં કરી શકે છે એવી શક્યતા પણ દર્શાવાઈ હતી અને જો જામીન આપવામાં આવે તો તો આઇટીસીના રૂપિયા ભરાવવાની પણ દલીલ કરી હતી.બોગસ બિલિંગના કેસમાં હવે ઇડી પણ તપાસ કરી શકે છે.
તપાસનો રેલો અડાજણ પાટિયાના કેટલાંક વગદારો સુધી પણ પહોંચે એવી સંભાવના હાલ દેખાઈ રહી છે.કૌભાંડીઓ ભૂગર્ભમાં પણ ઉતરી ગયા છે.ઝૈદ ચક્કીના કેસમાં કરાયેલી એફિડેવિટમાં જણાવાયુ છે કે આરોપીની 63 કંપનીઓમાં તપાસ કરવાની બાકી છે અને આ અંગેનો તપાસ અહેવાલ સીલ બંધ કવરમાં કોર્ટને સુપરત કરવામાં આવશે.અધિકારીઓએ આ કેસમાં નિવેશ ચોરસિયા,ગૌતમ બારમેચા અને સુભાષ નાગરનુ સ્ટેટમેન્ટ
લીધું હતું.
સુફિયાનને નજીકના સંબંધીએ જ ભેરવ્યો
સુફિયાન અંગે સીધી પીએમઓમાં ફરિયાદ થઈ હતી અને આ ફરિયાદ તેના એક નજીકના જ સંબંધીએ કરી હોવાની માહિતી મળી રહી છે જે તેનો પાર્ટનર પણ રહી ચૂક્યો છે.બંને વચ્ચે કોઇક બાબતે ખટરાગ વધતા તેઓ છુટા પડી ગયા હતા.દરમિયાન સુફિયાનના કેસમાં અધિકારીઓ તેના પાર્ટનરની પુછપરછ કરે છે કે કેમ એ પણ એક સવાલ ઊભો થઈ રહ્યો છે.કુલ 18 જણાને સમન્સ પાઠવ્યા છે.
