નવી દિલ્હી,તા. 1 : ભાજપના પ્રવક્તા સંબીત પાત્રા અવારનવાર વિવાદમાં સપડાઇ છે.અત્યંત આક્રમક રીતે બોલવા ટેવાયેલા તથા વિરોધીઓ સામે કોઇપણ પ્રકારના આક્ષેપ કરવા માટે જાણીતા સંબીત પાત્રા અગાઉ ટ્રીલીયન ડોલર ઇકોનોમીના વિવાદમાં કોંગ્રેસના પ્રવક્તા સામે ટ્રીલીયન ડોલરમાં કેટલા મીંડા આવે તેવા સવાલમાં ફસાઈ ગયા હતા અને જવાબ આપી શક્યા નહીં તો હવે સરકારે જે 59 ચાઈનીઝ એપ પર પ્રતિબંદ મૂક્યો.
તે અંગે ટવીટ કરીને પાત્રાએ વડાપ્રધાન નરેન્દ્ર મોદીની 56 ઇંચની છાતી અને 59 એપ પર પ્રતિબંધ તે દર્શાવવા ટવીટ કર્યું જેમાં તેણે 56…59 એટલું જ લખ્યું હતું પરંતુ સોશ્યલ મીડિયામાં તેઓને પછી જબરો જવાબ મળ્યો હતો અને અનેક લોકોએ 56…59ની સાથે 20 તેવું પણ લખીને વળતું ટવીટ કર્યું અને સંબીત પાત્રાને એ પૂછ્યું કે શું 20 સૈનિકોના મોતના બદલામાં 59 એપ પર બાન એ 56 ઇંચની છાતી છે. ભારત સરકાર શું આ રીતે બદલો લઇ રહી છે ? આ વાતનો પાત્રા પાસે જવાબ નહોતો.
