જેમ્સ બોન્ડની ફિલ્મ ‘નો ટાઈમ ટૂ ડાઈ’ ભારતમાં બીજી એપ્રિલે રિલીઝ થશે

મુંબઇ,તા.૨૩
હોલિવૂડ ફ્રેન્ચાઈઝી ‘જેમ્સ બોન્ડ’ની ૨૫મી ફિલ્મ ‘નો ટાઈમ ટૂ ડાઈ’ની રિલીઝ ડેટમાં ચેન્જ કરવામાં આવ્યો છે. પહેલાં આ ફિલ્મ ભારતમાં ત્રીજી એપ્રિલે રિલીઝ થવાની હતી પરંતુ હવે એક દિવસ પહેલાં એટલે કે બીજી એપ્રિલે રિલીઝ થશે. આ સાથે જ ફિલ્મને ચાર દિવસના વીકેન્ડનો ફાયદો મળશે. ઉલ્લેખનીય છે કે આ જ દિવસે રાણા દગ્ગુબાતીની ફિલ્મ ‘હાથી મેરે સાથી’ રિલીઝ થશે.
હાલમાં જ ફિલ્મું બ્લેક એન્ડ વ્હાઈટ પોસ્ટર રિલીઝ કરવામાં આવ્યું હતું. આ પોસ્ટરમાં ડેનિયલ ક્રેગ એક કારમાં જોવા મળે છે અને કારની બારીમાં ગોળીઓના નિશાન છે. ડેનિયલને ચહેરા પર ઈજા થઈ છે. નોંધનીય છે કે ભારતમાં આ ફિલ્મ અંગ્રેજી, હિંદી, તમિળ તથા તેલુગુમાં રિલીઝ થશે.