નવી દિલ્હી, તા. 24 એપ્રિલ 2022 રવિવાર : સ્કાઈ ડાઈવિંગ રોમાંચથી ભરપૂર એક ઘણી શાનદાર એક્ટિવિટી છે પરંતુ હજારો મીટર ઊંચાઈ પર ઉડી રહેલા પ્લેનથી પેરાશૂટની સાથે જમ્પ કરવા માટે મજબૂત જીગર જોઈએ.આ જ કારણોસર મોટાભાગના એડવેન્ચર એક્સપ્લોરર આ એક્ટિવિટીથી દૂર જ રહેવાનુ પસંદ કરે છે પરંતુ જો તમે એ વિચારો છે કે આમા માત્ર આઉટડોર સ્કાઈ ડાઈવિંગ જ સંભવ છે તો આ બિલકુલ ખોટુ છે.આપે કદાચ ઈન્ડોર સ્કાઈ ડાઈવિંગ વિશે પહેલા ક્યારેય સાંભળ્યુ નહીં હોય.ઈન્ડોર સ્કાઈ ડાઈવિંગમાં આપ કોઈ જોખમ વિના સ્કાઈ ડાઈવિંગની મજા લઈ શકે છે.આનો રોમાંચ આઉટડોર સ્કાઈ ડાઈવિંગ સાથે બિલકુલ પણ ઓછુ નથી.ભારતમાં જલ્દી જ આની શરૂઆત થવાની છે.જોકે હૈદરાબાદમાં પહેલીવાર ઈંડોર સ્કાઈ ડાઈવિંગને લાવવાની તૈયારી કરવામાં આવી રહી છે.ઈંડોર સ્કાઈ ડાઈવિંગમાં હાજર વર્ટિકલ વિંડ ટનલ્સ હવામાં ઉડવાનો રોમાંચ પેદા કરે છે.આનો અનુભવ પ્લેનથી છલાંગ લગાવનારી સ્કાઈ ડાઈવિંગ જેવી જ હશે.જોકે, આ એક્ટિવિટીમાં કોઈ પ્રકારના પેરાશૂટ કે એરક્રાફ્ટની જરૂર પડશે નહીં.આ મોસમ અને હવાના કારણે પેદા થનારા જોખમોથી પણ દૂર છે.સ્કાઈ ડાઈવિંગના નામથી કાંપનારા લોકો ઘણી સરળતાથી આની મજા ઉઠાવી શકશે.
400 કિમી પ્રતિકલાકની ઝડપી હવામાં સ્કાઈ ડાઈવ
ઈન્ડોર એક્ટિવિટીની આ સુવિધા GravityZip હૈદરાબાદના ગંડિપેટમાં આ મહિને લઈને આવી રહી છે.ગર્ભવતી મહિલા કે કોઈ બીમારી સામે ઝઝૂમી રહેલા લોકો સિવાય આ ઈન્ડોર સ્કાઈ ડાઈવિંગને દરેક માટે સુરક્ષિત ગણાવાઈ છે.સ્કાઈ ડાઈવિંગ માટે બનેલા આ વર્ટિકલ વિંડ ટનલ્સમાં 200 કિમી પ્રતિકલાકથી 400 કિમી પ્રતિકલાકની રફ્તારથી હવા દોડે છે.
ક્યા હશે સ્કાઈ ડાઈવિંગ સ્પોટ?
લોકોની સેફ્ટીનો ખ્યાલ રાખતા આને કોટન, સ્પેન્ડેક્સ અને નાઈલોનથી બનેલુ જંપસૂટ, જૂતા, હેલમેટ અને આંખોની સુરક્ષા માટે ગોગલ આપવામાં આવશે.આ તમામ વસ્તુ પહેર્યા બાદ લોકો એર ટનલમાં સ્કાઈ ડાઈવિંગની મજા લઈ શકશે.આ દરમિયાન ટનલમાં સ્કાઈ ડાઈવિંગની મજા લઈ રહેલા લોકોને યુરોપથી ટ્રેડ થઈને આવેલા એક્સપર્ટ મોનિટર કરશે.GravityZip નુ આ ઈન્ડોર સ્કાઈ ડાઈવિંગ સ્પોટ હૈદરાબાદમાં ચૈતન્ય ભારતી ઈન્સ્ટીટ્યુટ ઓફ ટેકનોલોજી પરિસરથી પહેલા, ગૂંચા પહાડીઓની પાસે ખુલશે.
