– છેલ્લા કેટલાક દિવસોથી આવકવેરા વિભાગની ટીમના દેશના ઘણા ભાગોમાં સતત દરોડા
નવી દિલ્હી, તા. 14 ડિસેમ્બર 2022, બુધવાર : આવકવેરા વિભાગે બે રાજ્યોમાં મોટી કાર્યવાહી કરી છે. આઈટી વિભાગે ઝારખંડ અને પશ્ચિમ બંગાળમાં એક સાથે 20થી વધુ સ્થળોએ દરોડા પાડ્યા છે.પ્રાપ્ત માહિતી પ્રમાણે મોંગિયા સ્ટીલ અને સલુજા સ્ટીલ કંપની સાથે સંકળાયેલા કેટલાક ડિરેક્ટરોના સ્થળો પર દરોડા પાડવામાં આવી રહ્યા છે.આવકવેરા વિભાગની કાર્યવાહીથી ખળભળાટ મચી ગયો છે. આવકવેરા સાથે સંકળાયેલા સૂત્રોએ જણાવ્યું કે, ઝારખંડમાં રાંચી, ગિરિડીહ,દેવઘર અને અન્ય સ્થળોએ દરોડા પાડવામાં આવ્યા છે.તો બીજી તરફ આવકવેરા વિભાગની ટીમ પશ્ચિમ બંગાળની રાજધાની કોલકાતામાં ચાર સ્થળોએ દરોડા પાડી રહી છે.પશ્ચિમ બંગાળ અને ઝારખંડમાં એક સાથે દરોડા પડતાં બધે હલચલ મચી ગઈ.છેલ્લા કેટલાક દિવસોથી આવકવેરા વિભાગની ટીમ દેશના ઘણા ભાગોમાં સતત દરોડા પાડી રહી છે.
મળતી માહિતી પ્રમાણે આવકવેરા વિભાગની ટીમે પશ્ચિમ બંગાળ અને ઝારખંડમાં એક સાથે દરોડા પાડવાનું શરૂ કર્યું.આઈટી વિભાગની ટીમે 20થી વધુ સ્થળોએ દરોડા પાડ્યા છે.આવકવેરા વિભાગની ટીમ ગુણવંત સિંહ મોંગિયા અને બલવિંદર સિંહના સ્થળો પર દરોડા પાડી રહી છે.સ્ટીલ કંપનીઓ અને તેમના ડિરેક્ટર સહિત અન્ય અધિકારીઓ પર કરચોરીનો આરોપ છે.આરોપોની પ્રાથમિક તપાસ બાદ દરોડા પાડવામાં આવી રહ્યા છે.
પશ્ચિમ બંગાળની રાજધાની કોલકાતામાં ચાર સ્થળોએ દરોડા પાડવામાં આવી રહ્યા છે.બીજી તરફ આવકવેરા વિભાગની ટીમે ઝારખંડના ઘણા જિલ્લાઓમાં એક સાથે દરોડા પાડ્યા છે.આવકવેરા વિભાગની ટીમ દેવઘરમાં પણ પહોંચી ગઈ છે. IT વિભાગની ટીમે દેવઘરના તિવારી ચોક સ્થિત એક મકાનમાં દરોડા પાડ્યા છે.સવારે 8:00 વાગ્યાથી દરોડા પાડવાની કામગીરી ચાલી રહી છે.કહેવામાં આવી રહ્યું છે કે આવકવેરા વિભાગની ટીમ ગિરિડીહની મોંગિયા સરિયા કંપનીમાં એકાઉન્ટન્ટ તરીકે કામ કરતા વ્યક્તિના ઠેકાણાની તપાસ કરી રહી છે.
