મહારાષ્ટ્રમાં અતીક અહેમદ અને અશરફને શહીદ ગણાવતા પોસ્ટર લાગ્યા : 3 આરોપીની ધરપકડ

– પોલીસે આરોપીઓ વિરુદ્ધ આઈપીસીની કલમ 293, 294 અને 153 હેઠળ કેસ દાખલ કર્યો

મુંબઈ, તા. 19 એપ્રિલ 2023, બુધવાર : માફિયા અતીક અહેમદ અને તેના ભાઈ અશરફને પોસ્ટરોમાં શદીહ ગણાવવા મામલે પોલીસે કાર્યવાહી કરી છે.પોલીસે આ મામલે 3 આરોપીઓની ધરપકડ કરી છે.આરોપીઓ વિરુદ્ધ વિભિન્ન કલમોમાં કેસ પણ દાખલ કર્યો છે.પોલીસે આ કાર્યવાહી વિશ્વ હિન્દુ પરિષદના નેતાની ફરિયાદ પર કરી છે.

મહારાષ્ટ્રના બીડમાં અતીક અને તેના ભાઈ અશરફના સમર્થનમાં પોસ્ટર લગાવવામાં આવ્યા હતા.પોસ્ટરમાં બંને ભાઈઓને શહીદ ગણાવવામાં આવ્યા છે.પોસ્ટરોની માહિતી મળતા જ પોલીસે તેને હટાવી લીધા છે.પોલીસે આરોપીઓ વિરુદ્ધ આઈપીસીની કલમ 293, 294 અને 153 હેઠળ કેસ દાખલ કર્યો છે.

Maharashtra | Three people arrested, case registered under sections 293,294 and 153 IPC after Vishwa Hindu Parishad lodged a police complaint over a poster of gangster Atiq Ahmed and his brother Ashraf Ahmed terming them as martyrs was put up in Beed

— ANI (@ANI) April 19, 2023

બીડના માજલગાંવમાં અતીક અહેમદ અને તેના ભાઈ અશરફ અહેમદના સમર્થનમાં લગાવવામાં આવેલા બેનરોમાં જાહેરમાં બંનેની કરેલી હત્યાની નિંદા કરવામાં આવી છે.માહિતી મળતાની સાથે જ પોલીસ તાત્કાલિક ઘટનાસ્થળે પહોંચી ગઈ હતી.તેમજ આ બેનર પણ તાત્કાલિક હટાવી દેવામાં આવ્યું છે.પોલીસે જણાવ્યું કે, આ બેનર મોહસીન ભૈયા મિત્ર મંડળે લગાવ્યું હતું.આ કેસમાં ત્રણ લોકોની ધરપકડ કરવામાં આવી છે અને પોલીસ મોહસીન પટેલને શોધી રહી છે.