– આંતરરાષ્ટ્રીય બજારમાં તેની કિંમત 51 કરોડ રૂપિયા
– સિન્ડિકેટ ભારત-નેપાળ બોર્ડર પરથી ઓપરેટ થઈ રહ્યું હતું
નવી દિલ્હી, તા.21 ફેબ્રુઆરી-2023, મંગળવાર : ડિરેક્ટોરેટ ઓફ રેવન્યુ ઈન્ટેલિજન્સ (DRI)એ દેશવ્યાપી ઓપરેશનમાં લગભગ 101 કિલો સોનું જપ્ત કર્યું છે.આંતરરાષ્ટ્રીય બજારમાં તેની કિંમત 51 કરોડ રૂપિયા હોવાનું કહેવાય છે.આ સિન્ડિકેટ ભારત-નેપાળ બોર્ડર પરથી ઓપરેટ થઈ રહ્યું હતું.તે સુદાનના નાગરિકો દ્વારા ચલાવવામાં આવી રહ્યું હતું. 10 લોકોની ધરપકડ પણ કરવામાં આવી હતી.
સોનું ભારત-નેપાળ બોર્ડર મારફતે પટના લવાતું હતું
એક અધિકારીએ મંગળવારે જણાવ્યું કે દાણચોરીનું સોનું પટના,પુણે અને મુંબઈથી જપ્ત કરવામાં આવ્યું છે.જે 10 લોકોની ધરપકડ કરવામાં આવી છે તેમાં સાત સુદાનના નાગરિકો અને ત્રણ ભારતીયોનો સમાવેશ થાય છે.આ અભિયાનને ‘ઓપરેશન ગોલ્ડન ડોન’ નામ આપવામાં આવ્યું હતું.ડીઆરઆઈની કાર્યવાહી દરમિયાન 1.35 કરોડ રૂપિયાથી વધુની ભારતીય અને વિદેશી ચલણી નોટો પણ જપ્ત કરવામાં આવી હતી.અધિકારીએ જણાવ્યું કે જપ્ત કરાયેલું સોનું મોટાભાગે પેસ્ટના રૂપમાં જપ્ત કરવામાં આવ્યું હતું.તેઓને ટ્રેન અથવા હવાઈ માર્ગે દેશના વિવિધ ભાગોમાં મોકલવામાં આવ્યા હતા.
પટનામાંથી ત્રણ લોકોને પકડ્યા
ચોક્કસ માહિતીના આધારે કાર્યવાહી કરીને, ડીઆરઆઈ અધિકારીઓએ રવિવારે મોડી રાત્રે ત્રણ સુદાનના નાગરિકોની ધરપકડ કરી હતી,તેઓએ જણાવ્યું કે પટના રેલવે સ્ટેશન પર તે મુંબઈ જતી ટ્રેનમાં ચઢી રહ્યો હતો ત્યારે આ કાર્યવાહી કરવામાં આવી હતી.અધિકારીએ જણાવ્યું કે સોનાની પેસ્ટમાં 37.126 કિલો વજનનું સોનું હતું.તેને 40 પેકેટમાં છુપાવીને રાખવામાં આવ્યું હતું.તે બે સુદાનના નાગરિકો પાસેથી મળી આવ્યું હતું,જેમણે તેને સ્લીવલેસ જેકેટના ખાસ બનાવેલા ખિસ્સામાં છુપાવી દીધું હતું.
In a pan India operation DRI has busted a gold smuggling syndicate of Sudanese nationals operating through Nepal border. DRI in different interceptions in Patna, Pune & Mumbai seized a total of 101.7 kg of smuggled gold valued Rs. 51 Crore.
Read more 👉 https://t.co/25JF7GGxS9 pic.twitter.com/zWLfu0eD1W
— CBIC (@cbic_india) February 21, 2023
પુણેમાંથી બે મહિલાઓની ધરપકડ
તેઓએ જણાવ્યું હતું કે ત્રીજો વિદેશી નાગરિક સરહદી વિસ્તારોમાં દાણચોરીની ગતિવિધિઓનું સંકલન કરતો અને દાણચોરી કરાયેલા સોનાના પરિવહનની વ્યવસ્થા કરતો હેન્ડલર હતો. આ ઉપરાંત બે સુદાનીઝ મહિલાઓનો સમૂહ સોમવારે પૂણેમાં પકડાયો હતો જ્યારે તેઓ 5.615 કિલોગ્રામ દાણચોરીના સોના સાથે બસમાં હૈદરાબાદથી મુંબઈ જઈ રહી હતી.જપ્ત કરાયેલી પીળી ધાતુ મિશ્ર સ્વરૂપમાં હતી અને તેને હેન્ડબેગમાં છુપાવવામાં આવી હતી.
મુંબઈમાં બે સુદાનીઝ નાગરિકોની ધરપકડ
અધિકારીએ જણાવ્યું કે પટનાથી મુંબઈ જઈ રહેલા બે સુદાનના નાગરિકોના ત્રીજા જૂથને સોમવારે રેલવે સ્ટેશન પર રોકી દેવામાં આવ્યું હતું.તેમની પાસેથી 40 પેકેટમાં સંતાડેલું 38.76 કિલો સોનું અને સોનાની પેસ્ટ મળી આવી હતી.કુલ મળીને, ડીઆરઆઈએ રૂ.51 કરોડનું આશરે 101.7 કિલો સોનું, રૂ.74 લાખનું વિદેશી ચલણ અને રૂ.63 લાખનું ભારતીય ચલણ જપ્ત કર્યું હતું
