Corona In Delhi: દિલ્હીમાં ફરી પ્રતિબંધ, માસ્ક ન પહેરવા પર 500 રૂ.નો દંડ

નવી દિલ્હી, તા. 20 એપ્રિલ 2022, બુધવાર : દિલ્હીમાં કોરોનાના કેસ ફરી એક વખત ઝડપથી વધી રહ્યા છે.આવી સ્થિતિમાં દિલ્હીમાં ફરી પ્રતિબંધ લગાવવામાં રહ્યા છે.દિલ્હીમાં જાહેર સ્થળો પર માસ્ક અનિવાર્ય કરવામાં આવ્યું છે અને આ નિયમનું પાલન ન કરનાર પર 500 રૂપિયાનો દંડ વસૂલવામાં આવશે.મળતી માહિતી પ્રમાણે દિલ્હી ડિજાસ્ટર મેનેજમેન્ટ ઓથોરિટી (DDMA)ની મીટિંગમાં કોરોના સંક્રમણના ફેલાવાને રોકવા માટે આ પગલું ભરવામાં આવી શકે છે.દિલ્હીના મુખ્યમંત્રી અરવિંદ કેજરીવાલ રાજધાનીમાં કોરોનાની સ્થિતિ પર નજર રાખી રહ્યા છે.આ ઉપરાંત ડેપ્યુટી સીએમ મનીષ સિસોદિયાએ સ્કૂલને લઈને પહેલા જ એસઓપી જારી કરી દીધી છે.મળતી માહિતી પ્રમાણે DDMAની બેઠકમાં માસ્ક અનિવાર્ય કરવા પર સહમતિ બની છે.આ ઉપરાંત DDMAએ માસ્ક ન પહેરવા પર 500 રૂપિયાના દંડના નિયમને લાગુ કરવામાં આવ્યો છે.ડીડીએમએની બેઠકમાં ટેસ્ટિંગ અને વેક્સિનેશન પર ભાર મૂકવા પર વિચાર કરવામાં આવી રહ્યો છે.DDMAની બેઠકમાં નિર્ણય લેવામાં આવ્યો છે કે, કોરોનાના કારણે હવે સ્કૂલ બંધ કરવામાં નહીં આવશે.જોકે, સ્કૂલ માટે અલગથી એસઓપી બહાર પાડવામાં આવી છે. જેમાં કોરોનાના ફેલાવાને રોકવા માટે પગલા ભરવા પર ભાર મૂકવામાં આવશે.સાથે જ જાહેર મેળાવડા પર પણ નજર રાખવામાં આવશે.રાજધાની દિલ્હીમાં કોરોનાના કેસ ખૂબ ઝડપથી વધી રહ્યા છે.છેલ્લા 24 કલાકમાં 26% કોરોના કેસ વધ્યા છે.દિલ્હીમાં મંગળવારે કોરોનાના 632 નવા કેસ નોંધાયા હતા.આ અગાઉ સોમવારે 501 કેસ નોંધાયા હતા.