ભારતની એન્ટી મની લોન્ડરિંગ એજન્સી એન્ફોર્સમેન્ટ ડિરેક્ટોરેટ(ઇડી)એ ફોરેન એક્સચેન્જના નિયમોનો ભંગ કરવા બદલ સ્ટાન્ડર્ડ ચાર્ટડ બેંકને 100 કરોડ રૂપિયાનો દંડ ફટકાર્યો છે. વિદેશી બેંકને ફટકારવામાં આવેલી દંડની આ રકમ અત્યાર સુધીની સૌથી વધારે છે. તમિલનાડુની સ્થાનિક બેંકને હસ્તગત કરવામાં નિયમોનો ભંગ કરવા બદલ આ દંડ ફટકારવામાં આવ્યો છે.
160 વર્ષથી કાર્યરત છે બેંક
ઇડી દ્વારા ઓગસ્ટમાં જારી કરાયેલા આદેશ અનુસાર 2007માં તમિલનાડુ મર્કન્ટાઇલ બેંકનો હિસ્સો ખરીદવાની સમગ્ર પ્રક્રિયાની છેલ્લા આઠ વર્ષથી તપાસ ચાલી રહી હતી.2007માં સ્ટાન્ડર્ડ ચાર્ટડ બેંક તમિલનાડુ મર્કન્ટાઇલ બેંકનો હિસ્સો ખરીદવા માટે કેટલાક રોકાણકારો સાથે સંપર્કમાં હતી.ઇડીના સ્પેશિયલ ડાયરેક્ટર સુશીલ કુમારના જણાવ્યા અનુસાર સ્ટાન્ડર્ડ ટાર્ડ બેંકે પોતાની બેંકનો વિસ્તાર વધારવા માટે તમિલનાડુ મર્કન્ટાઇલ બેંકના શેરો મોટા પ્રમાણમાં ખરીદવાની યોજવા બનાવી હતી.ઉલ્લેખનીય છે સ્ટાન્ડર્ડ ચાર્ટડ બેંક શાખાઓની બાબતમાં ભારત સ્થિતસૌથી મોટી વિદેશી બેંક છે. તે 160થી વર્ષોથી ભારતમાં કાર્યરત છે અને તેના દેશમાં 100 આઉટલેટ છે.
શું છે આખો કેસ
આ કેસ 1૩ વર્ષ જૂનો છે. 1૩ વર્ષ અગાઉ તમિલનાડુ મર્કન્ટાઇલ બેંક લિમિટેડ(ટીએમબીએલ)એ રિઝર્વ બેંક ઓફ ઇન્ડિયાની મંજૂરી વગર વિદેશી રોકાણકારો 46862 શેર ટ્રાન્સફર કર્યા હતાં.જેમાં જીએચઆઇ લિમિટેડ, સ્વીસ રી ઇન્વેસ્ટર્સ, એફઆઇ ઇન્વેસ્ટમેન્ટ્સ અને અન્ય સામેલ હતાં.આ શેરોમાંથી કેટલાક શેર આરબીઆઇની મંજૂરી વગર જ એપ્રિલ, 2008માં સ્ટાન્ડર્ડ ચાર્ટડની સહયોગી કંપની સબ કોન્ટિનેન્ટલ ઇક્વિટિઝમાં ટ્રાન્સફર કરવામાં આવ્યા હતાં.
