ભારતની ત્રણેય સેનાઓના જવાનોએ ડોનાલ્ડ ટ્રમ્પને ‘ગાર્ડ ઓફ ઓનર’ આપ્યું
એજન્સી, નવી દિલ્હી
રાષ્ટ્રપતિ ટ્રમ્પ અને તેમના પરિવારના અમદાવાદના ભવ્યાતિભવ્ય સ્વાગત બાદ હવે રાજનીતિનો વારો છે. પોતાના ભારત પ્રવાસના બીજા અને અંતિમ દિવસે અમેરિકન રાષ્ટ્રપતિ ડોનાલ્ડ ટ્રમ્પ આજે દિલ્હીમાં છે. આ અગાઉ તેઓએ પત્ની મેલેનિયા, દીકરી ઈવાન્કા અને જમાઈ જેરેડ કુશનરની સાથે આગરાની મુલાકાત કરી હતી. આજે દિલ્હીમાં તેઓ વડાપ્રધાન મોદી સાથે દ્વિપક્ષીય ચર્ચા કરશે.
ફર્સ્ટ લેડી મેલેનિયા સાથે ડોનાલ્ડ ટ્રમ્પે રાજઘાટમાં એક વૃક્ષ રોપ્યું.
રાજઘાટ પર ટ્રમ્પે વિઝિટર બૂકમાં સંદેશો લખ્યો. જ્યાં તેમને મહાત્મા ગાંધીની એક તસવીર ભેટ કરવામાં આવી.
રાષ્ટ્રપતિ ભવનમાં આજે અમેરિકન રાષ્ટ્રપતિનું ઔપચારિક સ્વાગત કરવામાં આવ્યું હતું.
ટ્રમ્પે રાજઘાટ પર રાષ્ટ્રપિતા મહાત્મા ગાંધીને પુષ્પચક્ર ચઢાવીને શ્રદ્ધાંજલિ અર્પી હતી.
રાષ્ટ્રપિતા મહાત્મા ગાંધીને શ્રદ્ધાંજલિ અર્પણ કરતી વખતે પત્ની મેલેનિયા ટ્રમ્પ પણ ડોનાલ્ડ ટ્રમ્પની સાથે હતા.
વડાપ્રધાન નરેન્દ્ર મોદી હૈદરાબાદ હાઉસ ખાતે પહોંચ્યા જ્યાં તેઓ અમેરિકન રાષ્ટ્રપતિ ડોનાલ્ડ ટ્રમ્પ સાથે ટૂંક જ સમયમાં મુલાકાત કરશે.
રાષ્ટ્રપતિ ડોનાલ્ડ ટ્રમ્પને ભારતની ત્રણેય સેનાઓના જવાનોએ રાષ્ટ્રપતિ ભવનમાં ગાર્ડ ઓફ ઓનર આપ્યું.
અમેરિકન રાષ્ટ્રપતિ ટ્રમ્પ, પત્ની મેલેનિયા ટ્રમ્પ, રાષ્ટ્રપતિ રામનાથ કોવિંદ, તેમની પત્ની સવિતા કોવિંદ અને વડાપ્રધાન નરેન્દ્ર મોદીએ રાષ્ટ્રપતિ ભવનમાં એક ગ્રુપ ફોટો પડાવ્યો હતો.
રાષ્ટ્રપતિ ભવનમાં ભારત સરકારના મંત્રીઓ સાથે રાષ્ટ્રપતિ ટ્રમ્પે મુલાકાત કરી.
ભારતના રાષ્ટ્રપતિ રામ નાથ કોવિંદ, તેમની પત્ની સવિતા કોવિંદ અને વડાપ્રધાન નરેન્દ્ર મોદીએ રાષ્ટ્રપતિ ભવનમાં અમેરિકન રાષ્ટ્રપતિ ડોનાલ્ડ ટ્રમ્પ અને પ્રથમ લેડી મેલેનિયા ટ્રમ્પની આગેવાની કરી હતી.
અમેરિકન રાષ્ટ્રપતિ ડોનાલ્ડ ટ્રમ્પની દીકરી ઈવાન્કા ટ્રમ્પ પતિ જેરેડ સાથે રાષ્ટ્રપતિ ભવન પહોંચી હતી.
