બગલામુખી મંદિરના પાખંડી ગુરૂ પ્રશાંતના વૈભવી નિવાસસ્થાને ગેરકાયદે બાંધકામ પર બૂલડોઝર

 વડોદરા
બહુચર્ચીત બનેલા વડોદરાના વારસીયા વિસ્તારમાં આવેલા બગલામુખી મંદિરના પાખંડી ગૂરૂ પ્રશાંત ઉપાધ્યાયે તેનુ નિવાસસ્થાન પણ ગેરકાયદે બનાવવામાં આવ્યુ હોવાની વિગતો બહાર આવતાં વડોદરા મ્યુનિસિપલ કોર્પોરેશન ત્રાટક્યુ હતુ. બુધવારે સવારે વીએમસીની દબાણ શાખાની ટીમે તેના વૈભવી નિવાસસ્થાનમાં ગેરકાયદે બાંધકામ તોડવાનો આરંભ કરી દીધો હતો. જેના પગલે આસપાસના રહીશોના ટોળેટોળા ઉમટી પડ્યા હતા.
વડોદરાના ગોત્રી વિસ્તારમાં મધર્સ સ્કૂલ પાછળ દયાનંદ સોસાયટીમાં રહેતા પ્રશાંત મહેશચંન્દ્ર ઉપાધ્યાયને આજે પોલીસે અદાલતમાં રજૂ કરીને રિમાન્ડની માંગણી કરતા જણાવ્યુ હતુ કે, પાણીગેટ બહાર દત્તકૃપા સોસાયટીમાં રહેતા દેવરાજભાઇ ભાનુભાઇ પંડ્યા તથા અન્ય લોકોને વેપાર ધંધો સારી રીતે ચાલે, ધંધામાં પ્રગતિ થાયે તે માટે બગલા મુખી યંત્ર તથા શ્રી યંત્ર સોનુ નાખીને બનાવીને ઘેર તથા કંપનીમાં સ્થાપીત કરવાની વિધી માટે રૂપિયા ૨૧.૮૦ લાખ પ્રશાંત ઉપાધ્યાયે પડાવ્યા હતા. ત્યાર બાદ તેની સંખ્યબંધ પાપલીલાઓ પ્રકાશમાં આવવા લાગી હતી. તેની પોલીસે ધરપકડ પણ કરી હતી. તેના અદાલતે ચાર દિવસના રિમાન્ડ મંજૂર કર્યા હતા.
ગેરકાયદે ઉભુ કર્યુ હતુ વૈભવી નિવાસસ્થાન
આ પાખંડી સામે કડક કાર્યવાહી કરવા માટે સરકારી વિભાગો પણ એકશનમાં આવી ગયું છે. જેના ભાગરૂપે વીએમસીની દબાણ શાખાએ પ્રશાંત ઉપાધ્યાયના ગોત્રી રોડ પર દયાનંદ સોસાયટીમાં આવેલા બંગલાનું ગેરકાયદે બાંધકામ તોડવાની કાર્યવાહી હાથ ધરી હોવાનું વીએમસીના સીક્યુરીટી એન્ડ એન્ક્રોન્ચમેન્ટ વિભાગના ડાયરેક્ટર ડો. મંગેશ જયશ્વાલે જણાવ્યુ હતુ.
અત્રે ઉલ્લેખનિય છે કે, પાખંડી પૈસાના જોરે તેની નિવાસસ્થાનની આસપાસમાં રહેનારાઓને  પણ દાબમાં રાખતો હતો. સ્થાનિક લોકો દ્વારા અનેક વખત બગલામુખી મંદિરના ગેરકાયદે બાંધકામ દૂર કરવા માટે પાલિકામાં રજૂઆતો કરી હતી. પરંતુ પાલિકા દ્વારા કોઇ કાર્યવાહી કરવામાં આવતી ન હતી. પરંતુ પાખંડી પ્રશાંતના કરતુતો બહાર આવ્યા બાદ પાલિકા તંત્ર એકશનમાં આવ્યું છે. પાખંડી દ્વારા બગલામુખી મંદિર અને બંગલાનું ગેરકાયદે બાંધકામ દૂર કરવા માટે કાર્યવાહી હાથ ધરી છે.
આ ઉપરાંત પ્રશાંત હોળી, ધુળેટી જેવા તહેવારોમાં સ્ત્રીઓ કપડા બદલતી હોય તેવા બીભસ્ત રેકોર્ડિંગ કર્યા હોવાથી રેકોર્ડીંગ કરતો હતો તે ડીવીઆર તથા અન્ય ઇલેક્ટ્રીક સાધનો પણ પોલીસે કબ્જે કર્યા હતા. જ્યારે તેને ભગાડવામાં જે લોકો સક્રિય હતા તેઓની પણ કાર્યવાહી શરૂ કરી દીધી છે. જેમાં વડોદરાના બિલ્ડર પ્રમોદ દાસવાણી ઉપરાંત અમિત નામનો સેવક -તથા અન્ય સેવિકાઓના નામો બહાર આવ્યા છે.