પ્રદર્શનકારીઓને શાંતિથી પ્રદર્શન કરવા દેવા અને સુરક્ષા દળોને સંયમ જાળવવા UNની અપીલ
એજન્સી, ન્યૂયોર્ક:
સંયુક્ત રાષ્ટ્ર મહાસચિવ એન્ટોનિયો ગુટેરેસે નવી દિલ્હીની વર્તમાન સ્થિતિ પર ધ્યાન રાખતા પ્રદર્શનકારીઓને શાંતિપૂર્ણ રીતે પ્રદર્શન કરવા દેવા અને સુરક્ષા દળોને સંયમ જાળવી રાખવાની સલાહ આપી છે.
મહાસચિવના પ્રવક્તા સ્ટિફન દુજારિકે પત્રકાર પરિષદને સંબોધતા દિલ્હી હિંસા વિશે ચિંતા વ્યક્ત કરતા સલાહ આપી હતી. તેમના મુજબ સંયુક્ત રાષ્ટ્ર ચોક્કસપણે દિલ્હીના સમગ્ર ઘટનાક્રમ પર નજર રાખી રહ્યું છે અને જરુર પડે પ્રતિક્રિયા આપશે.
જોકે રાજધાનીમાં બગડેલી સ્થિતિને સંભાળવાની જવાબદારી રાષ્ટ્રીય સુરક્ષા સલાહકાર (NSA)અજિત દોઆલને સોંપવામાં આવી છે. જે મુજબ તેઓ ઉત્તર-પૂર્વ દિલ્હી ડીસીપી ઓફિસે પહોંચ્યા હતા અને વરિષ્ઠ અધિકારીઓ સાથે મંત્રણા કરી હતી.
બીજી તરફ દિલ્હી પોલીસ કેન્દ્રીય ગૃહ મંત્રાલયને રિપોર્ટ આપે છે. એવામાં વિપક્ષ પાર્ટીઓએ ગૃહમંત્રીને હિંસા માટે જવાબદાર ઠેરવ્યા છે.
