દિલ્હી હિંસા અંગે મમતા બેનરજીએ કહ્યું- બંગાળને દિલ્હી બનવા દઈશ નહીં
એજન્સી, કોલકાતા
નાગરિકતા સુધારણા કાયદાને લઈને દેશભરમાં વિવાદ સર્જાયો છે. આ વચ્ચે મમતા બેનરજીએ જણાવ્યું કે, બાંગ્લાદેશથી આવેલા તમામ લોકો ભારતીય નાગરિક છે, જેમણે ચૂંટણીમાં મતદાન કર્યું
છે. પશ્ચિમ બંગાળના મુખ્યમંત્રી મમતા બેનરજીએ મંગળવારે જણાવ્યું કે, એવા લોકોને ફરીથી નાગરિકતા કરવા માટે અરજી કરવાની કોઈ જરૂર નથી.
મમતા બેનરજીએ એક રેલીમાં જણાવ્યું હતું કે, બાંગ્લાદેશથી આવેલા લોકો નાગરિક છે, તેમની પાસે નાગરિકતા છે. તમારે નાગરિકતા માટે ફરીથી અરજી કરવાની જરૂર નથી. સામાન્ય ચૂંટણીમાં મતદાન કરીને વડાપ્રધાન, મુખ્યમંત્રીને બનાવી રહ્યા છે…. અને હવે તેઓ કહી રહ્યા છે કે તમે નાગરિક નથી. તેમના પર વિશ્વાસ કરશો નહીં.
તૃણમૂલ કોંગ્રેસ (ટીએમસી)ના વડા મમતા બેનરજીએ જણાવ્યું હતું કે, તેઓ એકપણ વ્યક્તિને બંગાળથી બહાર જવા દેશે નહીં. રાજ્યમાં વસવાટ કરી રહેલા કોઈપણ શરણાર્થીને નાગરિકતાથી વંચિત કરવામાં આવશે નહીં. તેમણે દિલ્હી હિંસા મામલે કેન્દ્ર સરકાર પર નિશાનો સાધ્તા જણાવ્યું હતું કે, ભૂલશો નહીં આ બંગાળ છે. જે કંઈપણ દિલ્હીમાં થયું, તેને અહિયા થવા દઈશું નહીં. અમે નથી.
