જ્યારથી ભારતાં મીટૂ ચાલુ થયું છે ત્યારથી અભિનેત્રીઓ પોતાના પર વીતેલી આપવીતી સંભળાવી રહી છે અને ડાયરેક્ટર તેમજ પ્રોડ્યુસરનો ભાંડો ફોડી રહી છે. હવે તો આ આગ હોલિવૂડ સુધી પ્રસરી ગઈ છે અને ત્યાં પણ મોટા મોટા ઘટસ્ફોટ થવા લાગ્યા છે. પરંતુ હાલમાં તેલૂગુ અભિનેત્રી વાણીએ પોતાના કડવા અનુભવો જનતા સમક્ષ રજુ કર્યા છે. આ અભિનેત્રીને ટીવી સીરીયલ દેવમંગલ પછી લોકપ્રિયતા મળી હતી.
હાલમાં આપેલા એક ઇન્ટરવ્યુમાં અભિનેત્રીએ તેની સાથે એડજસ્ટ કરવાની વાત કરનારા લોકોની પોલ છતી કરી હતી અને બધાને ચોંકાવ્યા હતાં. જણાવ્યું હતું કે, તમિલ સિનેમામાં ડેબ્યૂ કર્યા બાદ મારે પણ કાસ્ટિંગ કાઉચનો શિકાર થવું પડ્યું હતું. આ ઇન્ડસ્ટ્રીમાં પ્રવેશ કર્યો ત્યારે એક પ્રોડ્યુસરે પોતાની સાથે બેડ શેર કરવા માટે મને ઓફર કરી હતી. વાણીએ આગળ વાત કરતાં જણાવ્યું હતું કે, મને કોઈએ ક્યારેય સીધું જ અપ્રોચ નથી કર્યું. પરંતુ મેનેજરના સહારે અલગ અલગ ઓફરો કરી અને અપ્રોચ કરવાનો પ્રયત્ન કર્યો પણ મે કોઈ પર ધ્યાન આપ્યું જ નહીં. ફિલ્મોમાં કામ કરવા માટે હું પુરી રીતે આતુર નથી. જ્યારે પણ મને મન થશે હું ટીવીની દુનિયામાં પાછી જતી રહીશ.
આગળ વાત કરતાં વાણી બોલી કે, મને લાગે છે કે જે અભિનેત્રીઓને મોટા સુપરસ્ટાર બનાવાની ઘેલછા હોય છે. જેના કારણે આ પ્રકારની ઑફર તે સ્વીકારે છે. કદાચ તેને લાગતુ હશે કે આ જ તેના માટે સાચો રસ્તો હશે. તેનો અર્થ એ નથી કે, મોટા સ્ટાર્સ મહેનત નથી કરતાં. તેને પણ સ્ટાર બનવા માટે ઘણી પ્રકારના સંઘર્ષ કરવા પડે. ઉલ્લેખનીય છે કે, તેલૂગુ ઇન્ડસ્ટ્રીમાં કામ કર્યા બાદ અભિનેત્રી હવે તમિલ ફિલ્મ Oh my Kadavuleમાં જોવા મળી હતી.
