વડાપ્રધાન નરેન્દ્ર મોદીએ કોરોના વાયરસનો મ્હાત આપવા આજી 22મી તારીખે આખા ભારતના લોકોને ‘જનતા કરફ્યુ’ કરવાની અપીલ કરી હતી. પીએમ મોદીએ ભારતમાં આજે સવારે 7 વાગ્યાથી લઈને રાતના 9 વાગ્યા સુધી જનતા કર્ફ્યૂનું આહ્વાન કર્યું છે. જેને પ્રચંડ પ્રતિસાદ મળ્યો છે.
આ ઉપરાંત વડાપ્રધાન મોદીની અપીલ પર દેશના કરોડો લોકોએ આજે રવિવારે 5 વાગ્યે ઘરની બાલ્કની અને ધાબામાં જઈને થાળી, તાળીઓ, શંખ વગાડીને કોરોના વાયરસના ભય વચ્ચે પણ અવિરત સેવા આપી રહેલા ડૉક્ટર્સ, નર્સ, પોલીસ, સેન્ય, મીડિયાકર્મીઓ, સફાઈકામદારો, ફાયરબ્રિગેડના જવાનોનું સન્માન કર્યું હતું.
પીએમ મોદીના જનતા કરફ્યુની અપીલ પર ખુદ અમેરિકા પ્રભાવીત થયું છે. પીએમ મોદીના આ આહ્વાનને અમેરિકાએ નામ લીધા વગર સરાહના કરી છે અને પોતાના દેશમાં પણ જનતાને આ જ રીતે ‘જનતા કર્ફ્યૂ ‘માટે અપીલ કરી છે.
અમેરિકાએ ભારતની જેમ પોતાના નાગરિકોને પણ જનતા કર્ફ્યૂની અપીલ કરી છે. અમેરિકી સરકારે લોકોને વધુમાં વધુ ઘરની અંદર રહેવાનું કહ્યું છે. એક ટ્વીટ દ્વારા વ્હાઈટ હાઉસે કહ્યું હતું કે, લોકો ઘરોમાં રહે અને પોતાના જીવ બચાવે. પોતાની આ ટ્વીટમાં રાષ્ટ્રપતિ તરફથી કહેવાયું છે કે, આ એક સંયુક્ત રાષ્ટ્રીય ત્યાગ માટેનો સમય છે. સાથે જ વર્તમાન સમય એ વાત ઉપર પણ ધ્યાન આપવા માટે મહત્વનો છે કે આપણા માટે સૌથી જરૂરી શું છે.
પીએમ મોદી એક વૈશ્વિક નેતા બની ગયા છે. ભારત જે પણ કરે છે તેના પર અમેરિકા ખુબ બારીકાઈથી નજર રાખે છે. સારું લાગે તો તેને પોતાના દેશમાં પણ અમલમાં મૂકે છે. હવે ભારતમાં આજે સફળતાપૂર્વક જનતા કર્ફ્યૂનું પાલન થઈ રહ્યું છે તો અમેરિકાને તે ખુબ ગમ્યું છે. આ કર્ફ્યૂની ઉપયોગિતાનો સ્વીકાર કરતા અમેરિકા તેને પોતાના દેશમાં પણ કોરોના વિરુદ્ધ લડતમાં ઉપયોગમાં લેવા જઈ રહ્યું છે.
