ન્યૂઝીલેન્ડમાં બુધવારથી લોકડાઉન
એજન્સી, વોશિંગ્ટન
દુનિયાના 192થી વધારે દેશ કોરોના વાયરસની લપેટમાં આવી ગયા છે. મહામારીને કારણે 14,616 લોકોના મોત થયા છે. ત્યાંજ ન્યૂઝીલેન્ડમાં વીતેલા 48 કલાકમાં કોરોનાના કેસની સંખ્યા બમણી થઈ ગઈ છે. ત્યાંની સરકારે લોકડાઉન કરવાની જાહેરાત કરી છે. સરકારે સ્કૂલ, વ્યવસાય જેવી સેવાઓમાં લાગેલા લોકોની તૈયારીઓ માટે બે દિવસનો સમય આપ્યો છે.
ત્યાંજ ઈટાલીમાં વીતેલા 24 ક્લાકમાં 651 લોકોના મોત થયા છે. અહિંયા 4,826 સ્વાસ્થ્યકર્મી પણ કોરોનાથી સંક્રમિત થઈ ગયા છે. સ્પેનમાં પણ છેલ્લા 24 કલાકમાં 375 લોકોના થયા હોવાના એહવાલ પ્રાપ્ત થયા છે. સ્પેનના વડાપ્રધાન પેડ્રો સાંચેજે રવિવારે જણાવ્યું હતું કે, આગામી સમય વધારે મુશ્કેલ હોઈ શકે છે.
બ્રિટનના વડાપ્રધાન બોરિસ જોનસને જણાવ્યું હતું કે, દેશમાં સ્વાસ્થ્ય મંત્રાલય જ નહીં સરકાર અને દેશવાસીઓને સામે કોરોનાનો એક મોટો પડકાર છે. જો આવી જ સ્થિતિ રહેશે તો બ્રિટનની સ્થિતિ બે ત્રણ અઠવાડિયામાં ઈટાલી જેવી થઈ જશે. ઈટાલીની સ્થાસ્થ્ય સેવા બ્રિટનથી તો ઘણી સારી તેમ છતાં ત્યાંના ડોક્ટર અને હેલ્થ એક્સપર્ટ સ્થિતિને સુધારી શક્યા નથી. આપણે તેમનાથી શીખ લેવી જોઈએ.
