બેબી ડોલ ફેમ સિંગરના અગાઉના બે ટેસ્ટ પણ પોઝિટિવ આવ્યા હતા
એજન્સી, મુંબઈ
બોલીવૂડની સિંગર કનિકા કપૂરનો સતત ત્રીજી વખત કોરોના ટેસ્ટનો રિર્પોટ પોઝિટિવ આવ્યો છે. લખનઉના સંજય ગાંધી પોસ્ટગ્રેજ્યુએટ ઇન્સ્ટિટ્યૂટ ઓફ મેડિકલ સાયન્સમાં ફરીથી આ ટેસ્ટ કરવામાં આવ્યો હતો. આ ટેસ્ટમાં વધુ એક વખત તેનો રિર્પોટ પોઝિટિવ જોવા મળ્યો છે. અગાઉ રવિવારના રોજ કનિકાનો બીજો ટેસ્ટ કરાયો હતો. કનિકાના તમામ રિર્પોટમાં કોરાનાના લક્ષણો જોવા મળ્યો છે.
કનિકાની ત્રીજી કોરાના ટેસ્ટની રિર્પોટમાં વધુ માત્રામાં કોરાના વાઈરસ ફેલાયેલો જોવા મળ્યો છે. સંજય ગાંધી પોસ્ટગ્રેજ્યુએટ ઇન્સ્ટિટ્યૂટ ઓફ મેડિકલ સાયન્સના તબીબ ધીમાને જણાવ્યું હતુ કે, જ્યાર સુધી કનિકાનો રિર્પોટ નેગીટિવ નહી આવે ત્યાર સુઘી તેમની સારવાર ચાલુ રાખવામાં આવશે.
કનિકાના સંર્પકમાં આવેલા 266 લોકોનો કોરોના ટેસ્ટ કરવામાં આવ્યો હતો. જેમાંથી 60 લોકોના ટેસ્ટ રિર્પોટ નેગેટિવ આવ્યા છે. જેમાં કેટલાક નેતાઓ પણ સામેલ હતા. આ અગાઉ 60 સેમ્પલ ટેસ્ટ કરાયા હતા તેના રિર્પોટ નેગેટિવ આવ્યા છે. સિંગરે જે સલુન્સ અને દુકાનોની મુલાકાત લીધી હતી તેની પણ શોધખોળ કરી હતી.
યુપીમાં કનિકા કપૂર વિરુદ્ધ કોરોનાવાયરસ દરમિયાન બેદરકારી દાખવવા બદલ ત્રણ એફઆઈઆર નોંધાઈ છે. સિંગર કનિકા કપૂરનો જન્મ ભારતમાં થયો હતો, પરંતુ હવે તે ઇંગ્લેન્ડની રહેવાસી છે.
