સ્પેનમાં કોરોના વાયરસને કારણે 3434 લોકોના મોત થયા છે
એજન્સી, મેડ્રિડ
કોરોના વાયરસે સ્પેનમાં પણ પગપેસારો કર્યો છે. સ્પેનના નાયબ વડાપ્રધાન કાર્મેન કાલ્વોનો પણ કોરોના વાયરસનો ચેપ લાગ્યો છે. 63 વર્ષની કાલ્વોનો પણ કોરોના વાયરસનો ટેસ્ટ પોઝિટિવ આવ્યો છે.
અધિકારીઓએ જાણકારી આપી છે કે મંગળવારે કાલ્વોનો કોવિડ-19 ઈન્ફેક્શન માટે ટેસ્ટ કરવામાં આવ્યો હતો. પહેલા પણ એક ટેસ્ટ કરવામાં આવ્યો હતો જે નેગેટિવ આવ્યો હતો. ત્યારબાદ સંતોષકારક પરિણામ નહીં મળતા વધુ એક ટેસ્ટ કરવામાં આવ્યો હતો. જેનો રિપોર્ટ પોઝિટિવ આવ્યો છે.
સ્પેનમાં કોરોનાગ્રસ્ત દર્દીઓની સંખ્યા વધીને 47,610ને પાર થઇ ચૂકી છે અને આ આંકડો સતત વધી રહ્યો છે. કોરોના વાયરસથી મૃત્યુઆંક વધીને 3434ને પાર થઇ ગયો છે. સ્વાસ્થ્ય અધિકારી ફર્નાંડો સાઈમને જણાવ્યું કે, આગામી સમયમાં મૃત્યુઆંક વધવાની સંભાવના છે. સ્પેનમાં 14 માર્ચથી જ લોકડાઉન છે તેમ છતાં પણ અહિંયા કોરોનાના દર્દીઓની સંખ્યા સતત વધી રહી છે.
