ચંદીગઢ, તા.17 એપ્રિલ 2020, શુક્રવાર
ભારતીય વાયુસેનાના અપાચે હેલિકોપ્ટરનુ આજે પંજાબના હોશિયારપુર પાસે એક ખેતરમાં ઈમરજન્સી લેન્ડિંગ કરાવવામાં આવતા વાયુસેનાના શ્વાસ અધ્ધર થઈ ગયા હતા.અપાચે હેલિકોપ્ટરની ડિલિવરી તાજેતરમાં જ અમેરિકા પાસેથી મળી છે.જે દુનિયાનુ સૌથી શક્તિશાળી હેલિકોપ્ટર માનવામાં આવે છે. અમેરિકા પાસેથી 8 હેલિકોપ્ટર ભારતને મળી ચુક્યા છે.
આ પૈકીના એક હેલિકોપ્ટરે પઠાણકોટથી રુટિન ઉડાન ભરી હતી.એવુ મનાય છે કે,તેમાં ટેકનિકલ ખામી સર્જાયા બાદ તેનુ ઈમરજન્સી લેન્ડિંગ કરાવાયુ હતુ.જોકે હેલિકોપ્ટરને કોઈ નુકસાન થયુ નથી.તેમાં બેઠેલા પાયલોટ્સ પણ સુરક્ષિત છે.
